Нууц мэдээллийн уурхай

Б.Хурц, Ц.Нямдорж нар ээлжлэн ард иргэддээ “тайлангаа” тавилаа. Хүёр эрхмийн ярианаас мөнгөтэй холбоотой хэсэг нь ихээхэн шуугиан тарьж байна. ТЕГ-ын экс дарга эдийн засгийн хямдрлаас үүдэн сарын орлого нь муудаж 25-хан сая төгрөг хавьцаа хүрсэнийг санаа алдан ярив. Гэтэл цаана нь 250 мянган төгрөгний орлогоороо амь зогоож байгаа хүмүүс олон байна. Харин ХЗ-н сайдтан хэл ам дагуулдаг зуслангийн гурван давхар харшаа “үсрээд” л 500 саяын үнэтэй хэмээн тоосон шинжгүй хэллээ. Гэтэл цаана нь үсрээд л 500 мянган төгрөгний цалин аваад баярлаж суугаа иргэд олон байна. Өмнө нь бизнес эрхэлж байсан Б.Хурцын хувьд сарын орлого нь 20-30 саяар хэмжигдэх нь аргагүй биз. Гэтэл насаараа төсвийн цалингаас өөр орлогогүй байсан Ц.Нямдорж хэрхэн хагас тэрбумын үнэтэй байшинтай болсоныг сүүлийн хэдэн жил шуугисан ч учрыг нь хэн ч олж чадаагүй. Сайдтан  хэзээ ч бизнес хийж байгаагүй. “Үнэндээ ТҮЦ ч ажиллуулж үзээгүй хүн шүү дээ” хэмээн Б.Хурц толгой сэгсрэн хэлсэн. Гэтэл “Эм Си Эс” С.Оджаргалаас дутахгүй тансаг харшид тухалж байна. Бас түүнийгээ голонгуй байх юм. Амьдардаг байшингаа үсрээд л 500 саяын үнэтэй гэж байгаа хүн бүр таван тэрбумын харшид ч тарвалзах санаатай байдгийг үгүйсгэх аргагүй биз. Эр хүний дотор эмээлтэй хазаартай морь багтдаг гэгчээр  таван тэрбумын байр санаанд нь явж л байдаг бололтой ...

 

 

NUUTS.mn