Нууц мэдээллийн уурхай

 

 

Ерөнхий сайд У.Хүрэлсүх “Мах Импекс” компаний үйл ажиллагаатай танилцжээ. Энэ үйлдвэр өргөтгөл хийх гэж байгаа аж. Үүнд нь төрөөс дэмжлэг үзүүлж хөрөнгө оруулалтын болон үйлдвэрлэлийн гэсэн хоёр төрлийн зээл олгохоор Ерөнхий сайд нь амлалаа. Энэ малалтыг ажил хэрэг болгохыг ХХААХҮ-ийн сайд Б.Батзоригт үүрэг болгосон байна. Шуурхай ажиллаж байна шүү ... Гэхдээ хэнд шуурхай түргэн хандаж байгаа нь сонирхолтой. Энэ үйлдвэрийг Ерөнхийлөгчийх гэдгийг Монголын мал нь хүртэл андахгүй биз. Мөн үүнтэй дүйцэх махны үйлдвэрүүд цөөнгүй бий ч онцлон “Мах импекс”-д ирж “ажиллажээ”. Уг нь элдэв хэл амнаас болгоомжилон Ерөнхийлөгчийн хэдэн компаниас зайгаа барих хэмээн бодож байсан юм. Тэртэй тэргүй АН-ын МАН-ын хоёр эрхмийн үй зайгүй үерхлийн тухай “Топор” гэдэг хэл ам хангалттай гарлаа. Гэтэл энэ нь үнэн болохыг улам бүр нотлох гэсэн мэт олон үйлдвэр дундаас онцолж үзэн дэмжлэг үзүүлж байна. Саяхан болж өнгөрсөн МАН-ын Их хурлын үеэр намын даргад нэр дэвшигч Н.Дэмбэрэл нь У.Хүрэлсүхийг АН-ын Ерөнхий сайд гэж шүүмжилсэн. “Мах импекс” нь төрөөс дэмжлэг авч болохгүй гэж хэлээгүй. Гэхдээ л Ерөнхийлөгчийн мэдлийн компаниудыг Ерөнхий сайд нь бодлогоор дэмжээд явах нь ёс зүйд нийцэхгүй. Өдгөө хувийн хэвшлийнхэнд зээл авах нь маш хэцүү бэрх болсон. Тэр тусмаа хөнгөлөлттэй зээлийг бүр ч мөрөөдөөд хэрэггүй. Харин Ерөнхий сайд аминчлан үүрэг өгч байхыг бодоход “Мах Импекс” нь урт хугацааны хүү багатай зээл авах бололтой. Тэгвэл атаархахаас өөр яах билээ ... Гэхдээ бусад компаниудад хэзээ ийм аз тохиох  бол ...

 

 

НУУЦ.мн