Амиа хорлосон экс нь зүүдэнд нь ороод байсанд БУЛШИЙГ нь ухаж цогцосыг нь шатаажээ
Нийтэлсэн: 2017-11-24 03:41:57
.jpg)
Оросын цахимд мэдээлснээр Курган мужийн нэгэн суурингийн 23 настай Юрий Головин гэдэг залуу үзмэрчийн зөвлөсөн энэ аргаар л амиа хорлож нас барсан найз бүсгүй нь зүүдэнд нь ордог шаналалаас салах гэсэн гэжээ. Тэрээр дөрвөн жил үерхсэн найз бүсгүйгээсээ хоёр жилийн өмнө салжээ. Харин найз бүсгүй нь жил хагасын өмнө амиа хорлосон агаад энэ үхэлд суурингаараа залууг буруутгажээ. Бүсгүйн ар гэрийнхэн хэдэндээ заналхийлсэн гэнэ. Харин экс найз бүсгүй нь бүтэн жилийн турш зүүдэнд нь орж ирж зовоожээ. Залуугийн мэдээлснээр үсээ сул тавьж урт цагаан даашинз өмссөн найз бүсгүй нь “нааш ир” гэж дууддаг аж. Айсан залуу лам авчирч гэрээ ариутгасан ч тус болсонгүй. Ийнхүү бараг шөнө бүр цочин сэрж нойроо алдсаар турж эцсэн гэнэ. Сүүлдээ унтахаас ч айдаг болжээ. Ингээд мужийнхаа нэгэн том үзмэрчид үзүүлжээ. Үзмэрч эксийнхээ булшийг ухаж цогцосыг гаргаад шатаахыг зөвлөжээ. Залуу нэг найзтайгаа архи ууж зоригоо чангалсаны дараа шөнө дөлөөр тосгоны оршуулгын газарт очиж булшийг ухан цогцосыг гаргаад шатаасан гэнэ. Үүний дараахан талийгаачийн ар гэрийнхэн охиныхоо булшийг эргэх гэж ирэхэд сүйтгэсэн байдалтай байсан тул цагдаад хандсанаар энэ хэрэг илэрчээ. Эксийнхээ цогцосыг шатаасан залуу үзмэрчийн арга тус болсон, түүнээс хойш нэг ч удаа зүүдэнд нь орж ирээгүй хэмээн баталжээ.
NUUTS.mn
