Хүйтэн шөнө майхандаа хонуулсан найзынхаа БУЛШИН дээр нь 70 жилийн турш цэцэг тавьж иржээ
Нийтэлсэн: 2017-11-15 03:59:40
.png)
1947 онд 12 настай хүү Карл Смит бойскаутуудын эгнээнд оржээ. Зун нь бойскаутууд Өмнөд Уэльсын Гаур нуур луу аялалаар явахад золгүй явдал тохиолдож хүү нууран живж амиа алджээ. Гэр бүл нь хүүгийнхээ булшыг байнга эргэж тойрдог байжээ. Хорвоогийн жамаар эцэг эх нь өнгөрөхөд эмэгтэй дүү нь ахынхаа булшыг эргэсээр байжээ. Гэхдээ нэгэн сайн санаатан осол гарсан өдөр болон талийгаачийн төрсөн өдрийн аль нэгнээр ирж булшинд нь шинэ цэцэг тавьдаг болсон гэнэ. Охин дүү нь тэрхүү хүнийг олох гэсэн ч чадсангүй. Ийнхүү 70 гаруй жил өнгөрсний дараа гайхаш тасарсан дүү нь ВВС ТВ-д ханджээ. Зурагтынхан хамтран эрж хайсан ч олсонгүй. Эцэст нь булшны дэргэд отолт зохион байгуулж байж эзнийг нь олжээ. Тэр хүн нь талийгаач хүүгийн нэг сургуулийн найз Рональд Сеймур-Уэстборо гэгч байжээ.
.jpg)
Өдгөө 84 настай тэрээр Карл Смиттэй хамт тэрхүү аялалд хамт явжээ. Гэхдээ түүнд майхан байгаагүй агаад бусад нь хуваалцахыг хүссэнгүй. Харин Карл хүү л түүнийг майхандаа оруулж хонуулдаг байжээ. Золгүй учрал болсон өдөр Рональд найзыгаа нууранд живсэнийг хамгийн түрүүнд мэдэж гаргаж авсан гэнэ. Тэр цагаас хойш сайхан сэтгэлт найзаа хүндэтгэн жил бүр булшыг нь эргэж иржээ. Золгүй учрал болсон өдрөөр нь заавал ирдэг. Хэрвээ ирж амжихгүй бол найзыхнаа төрсөн өдрөөр ирж булшыг нь янзлан шинэ цэцэг тавьдаг байжээ. Талийгаач хүүгийн дүү нь энэ тухай сонсоод ихэд гайхсан байна. Харин Рональд дүү охин нь байдаг гэдгийг мэддэггүй байжээ.
NUUTS.mn
монгол хүүхэдүүд байсан бол булаалцаад майхандаа хонууоах байсандаа
монгол хүүхэдүүд байсан бол булаалцаад майхандаа хонууоах байсандаа