Харүмафүжи Д.Бямбадорж залуу бөхийн толгой руу шар айрагны ШИЛЭЭР цохижээ
Нийтэлсэн: 2017-11-14 03:02:06
.png)
Мэргэжлийн сүмогийн 70 дэх их аварга Харүмафүжи Д.Бямбадорж сарын өмнөхөн ес дэх удаагаа дээд зиндаанд түрүүлж элэг нэгтнүүдээ баясгаж байсан нь саяхан. Тэгвэл түүний тухай Японы спортын хамгийн том сонин болох “Спорт Ниппон”-д таагүй мэдээлэл хэвлэгджээ. Сонинд гарсан мэдээллээр Харүмафүжи Д.Бямбадорж өөрөөсөө цол доогуур кохай Такаширо гэх бөхийн толгой руу шар айрагны шилээр цохиж тархийг нь хагалсан байна. Энэ явдал өнгөрсөн сарын 26-нд болжээ. Зодуулсан бөх энэ сарын 5-9-ний хооронд Фүкүока хотын эмнэлэгт хэвтэн эмчлүүлсэн бөгөөд одоогоор биеийн байдал нь дээрджээ. Гэвч дахин өвчин нь сэдрэх магадлалтайг эмч анхааруулжээ.Энэхүү явдал Харүмафүжи Д.Бямбадоржийн сумогийн бөхийн замналыг дуусгаж, зодог тайлахад ч хүргэж болно гэсэн агуулгатай мэдээллүүд хэвлэлээр гараад байгаа аж.
НУУЦ.мн
