Биеэ үнэлэгч баригдахгүйн тулд БЭЛГЭВЧ залгиад эмнэлэгт хүргэгджээ
.jpg)
Metro-д мэдээлснээр Вьетнамын цагдаагийнхан Данг гэдэг биеэ үнэлэгч эмэгтэйг арваад хоног дагаж мөрджээ. Тус улсад бие үнэлэхийг хуулиар хориглосон бол 48 настай эмэгтэй энэхүү хориотой бизнесийг хийгээд удаж байгаа аж. Харин цагдаагийнхан үйлдэл дээр нь барьж авахыг зорьжээ. Ингээд Дангийг ээлжит үйлчлүүлэгчтэйгээ зочид буудалд өрөө авахад нь нь араас оржээ. Цагдаа биеэ үнэлэгч болон үйлчүүлэгчийг тусад нь байцаажээ. Үйлчлүүлэгч эр биеэ үнэлэгч авсан, мөнгөөр тохирсон гэдгээ хүлээсэн бол Данг эрс няцаажээ. Бүр тухайн эртэй хайр сэтгэлийн холбоотой хэмээн батлаж гарчээ. Ингээд биеэ үнэлсэнийг нь нотлох ганц баримт нь хэрэглэсэн бэлгэвч болж таарчээ. Үйлчлүүлэгч бэлгэвч хэрэглэсэн, цагдаа орж ирэх үед эмэгтэй шууд шувтлаад авсан гэжээ. Цагдаа нар Дангийн хувцас цүнх болон өрөөг сайтар нэгжсэн ч юу ч олсонгүй. Гэтэл гэнэт Дангийн дотор муухайрч гэдэс дотор нь базлан өвдөж эмнэлэгт хүргэгджээ. Харин рентгэн зургаар тэрээр хэргийн гол баримт болох бэлгэвчийг залгасан нь харагджээ. Бэлгэвчийг мэс засал хийж авчээ. Өдгөө Дангад биеэ үнэлсэн, худал мэдүүлэг өгсөн, нотлох баримтыг устгахыг завдсан гэх гурван зүйл ангиар ял тулгажээ.
NUUTS.mn
