.png)
Америк ээлжит олныг хамарсан аллага гарлаа. Техас мужийн Сазерленд-Спрингс гэдэг жижигхэн хотын баптист сүмд мөргөлийн үеэр байлдааны хувцастай этгээд халдаж автоматаар галлан 26 хүнийг алж 30 хүнийг хүнд хөнгөн шархдуулжээ.
Энэ хотд ердөө 400 оршин суугчтай.
Аллага өглөөний 11 цаг 30 минутанд гарчээ. Сүмийн ойролцоохь ШТГ-ын ажилтан 20 гаруй удаа буугаар буудах чимээ сонсжээ.
Удалгүй сүмээс цэргийн хар хувцаста хүн гарч гүйн холгүй орших мөнгөлөг цагаан өнгийн жийпэнд сууж зугтаажээ.
Мөрдөн хөөсөн цагдаа нар машиныг Гваделупе хотын ойролцоо гүйцэж буудалцах үед алуурчин алагдсан байна. Зарим эх сурвалжийн мэдээгээр амиа хорлосон гэнэ. Амиа алдагсадын дунд гурван ч хүүхэд байсан аж. Сүмийн пастор Шерри Померойгийн охин 14 настай Аннабель Рени Померой суманд оногджээ.
Жоан Вод гэдэг эмэгтэй зургаан настай охин Бруукын хамт алуулжээ.
Мөн зургаан настай Райлан гэдэг хүү амиа алджээ.
Алуурчин нь 26 настай Дэвин Патрик Келли гэгч байжээ.
Тэрээр ойролцоохь Нью-Браунфелс гэдэг хотод амьдардаг байсан гэнэ. Одоогоор алуурчны зорилго сэдэлтийг тогтоогоогүй байна.
NUUTS.mn