Нууц мэдээллийн уурхай

Манайд зоогийн газар, үйлчилгээний соёл хөгжөөгүй байна. “Тэнгис”-ийн зүүн талд орших “Чингис” зоогийн газар хоёр өдөр дараалан ирж 1500 төгрөгийн цай захиалсан хүнийг ахиж ирэх хэрэггүй гэжээ. Тэнд архи шар айраг зэрэг өндөр үнэтэй зүйл захиалсан үйлчлүүлэгч л “үнэлэгддэг” аж. Тэгвэл Хан-Уул дүүргийн 10-р хорооны нутаг дэвсгэрт үйл ажиллагаа явуулдаг “Поларис” зоогийн газрын эзэн нь үйлчлүүлж байсан иргэн Б.М-тэй маргалдах явцдаа т уруулын зөөлөн эдийн няцрал шарх, дотор салстын язрал, цээжинд цус хуралт бүхийн хөнгөн хохирол учруулсан гэмт хэрэг үйлдсэнд холбогджээ. Хэрэг гардаг өдөр хохирогч тус зоогийн газарт өдрийн 14 цагийн үед орж үйлчлүүлжээ. Захиалсан хоолоо идэж байхад гадны хувцастай залуу хоол идэж байсан гурван цэргийг хэл амаар доромжилж “наад угаадсаа гудар, п-да нар минь” гэжээ. Үүнд нь эгдүүцсэн иргэн  “чи юу гээд байгаа юм бэ, наад хүмүүсээсээ уучлалт гуй” гэж шаардахад дахин цэргүүдийг  хэл амаар доромжилсонд уучлал гуйлгах гэж гал тогооны өрөө рүү явж оржээ. Улмаар татаж гаргаж ирэх гэхэд барьсан хутгаараа уруулын дээд хэсэгт зүсжээ. Боож унагасан гэнэ. “Чамайг өгдөг газарт чинь өгнө” гэхэд ч дайраад байжээ. Эцэст нь гар утсаа гарган бичлэг хийхэд л сая зогсжээ. Хохирогч цусаар бөөлжиж өмсөж байсан хувцас нь урагджээ. Эмчилгээнд ихээхэн зардал гарсан байна. Хутгатай залуу нь зоогийн газрын эзэн гэнэ. Тэрээр мах хөлдүү байснаас болж тогооч нартаа бухимдахад үйлчлүүлэгч өөртөө тусган авч дайрч орж ирсэн гэжээ. Тогооч нар нь ч “... захирал  махаа гаргахгүй яасан юм бэ, п-да юм аа гэсэн. Тэгтэл  50-60 орчим настай эрэгтэй хүн өөрийг нь хэллээ гэж маргалдаад манай гал тогооны өрөө рүү яваад орчихсон...” гэжээ. Мөн захирал “п-да” гэж хэлэх нь ч хэлэх шиг болсон, гартаа хутга билүү заазуур барих нь ч барьсан байсан, гэхдээ хүнтэй маргалдаж зодолдоогүй, бас зааланд гурван цэрэг байх нь ч байсан хэмээн дуу нийлүүлэн хамгаалжээ. 

 

 

НУУЦ.мн