Нууц мэдээллийн уурхай

Өчигдрийн УИХ-ын хуралдаан дээр Ерөнхий сайд У.Хүрэлсүх, гишүүн Ж.Мөнхбат нар зад хэрэлдсэн нь “онцлох” явдал боллоо. Тэр хоёрт Их хурлыг, чуулганы хуралдааныг зурагтаар үзэж сугаа олон нийтийг хүндлэх өчүүхэн ч бодол байсангүй. ИХ хурлын даргыг бүр ч тоосонгүй. Намынхаа хурал дээр хэрэлддэг шигээ л хэрэлдлээ. Тэд бие биенээ “казиночин”-гоор нь дуудсан. Үнэндээ хоюулаа адилхан. Хоёр хар хэрээ бие биенийхээ хайрыг гайхав гэгчээр ... Хадгаламж банкны 14 тэрбумээр казинодсон Ц.Чимэдцэрэнгийн хэрэгт Ерөнхий сайд У.Хүрэлсүх холбогдож байсан. Ж.Мөнхбатыг ч казинодож байсан гэх шуугиан сонсогдсоор байдаг.  Ц.Чимэдцэрэнгийн хуурамч чек ашиглан банкны дансны гүйлгээг гуйвуулсан  залилангийн үйлдэл 220 удаагийнх байсан. Тэр ингэж хамж авсан мөнгөөрөө Солонгосын казинод очиж байнга мөрийтэй тоглодог, энэхүү тоглоомдоо У.Хүрэлсүх, Г.Занданшатар нарын найз нөхдөө урьж оролцуулж байсан гэдэг.

Ямартаа л шүүх хуралдааны үеэр улсын яллагчид хандан “Миний тоглож байсан казиног хавтаст хэрэгт дутуу оруулсан байна” гэх билээ. Гэвч цаадуул нь уснаас хуурай гарч амжсан түүхийг хүмүүс дэндүү сайн мэдэх биз. Харин нэгэнт Их хурлын чуулганд “казиночдоороо” дуудлацсан хойно Ж.Мөнхбат Хадгаламж банкны 14 тэрбумын хэргийг, Ц.Чимэлцэрэнгийн хэлээд байгаа дутуу оруулсан казиногийн хэргийг задлах хэрэгтэй. Банкны залуу бүх хэргийг даагаад үүрээд шоронд суусан гээд хаяж болохгүй.