Нууц мэдээллийн уурхай

Зодолдохоос ч аргагүй их мөнгө байжээ. “Эх тэргүүн” компаний захирал П.Г нь иргэн Ц.Ц-гээс 12...  сая төгрөг зээлсэн гэнэ. Эхлээд бизнесмэн хүмүүсийн хувьд соёлтой ярьцгаасан байна. Зээлдүүлэгч нь компаний захирлын өрөөнд очиж мөнгөө асуужээ. Ер нь сардаа нэг удаа очиж мөнгөө нэхдэг гэнэ. Ярилцах үер компаний захирал төрсөн өдөр нь болоод өнгөрсөнийг гэнэт санаж жолоочоо явуулан нэг шил архи авчруулжээ.Зээлдүүлэгч ч хариуд нэг шил архи авсан агаад архины халуунд яриа хөөрөө ширүүссэн байна. “Миний мөнгийг хэзээ өгөх гэж байна,  ББСБ надаас мөнгөө нэхээд болдоггүй, зээлжих эрхийг нь бууруулна гэж дарамтлаад байна” гэх зэргээр зовлонгоо тоочжээ. Сүүлдээ маргаан хэрүүл болж захирал “чи миний хоёр чихийг огтлохгүй бол юу авдаг юм бэ?, битгий ингэж царай алд, мөнгийг чинь өгнө ш дээ” гэхэд ““хуц солиор, хүний мөнгө авчихаад ингээд байхдаа яадаг юм бэ” гэх зэргээр хэрэлджээ.  Гэтэл захирал ширээний ард сууж байсан  зээлдүүлэгчийг гэнэт татаж ирээд мөргөчихжээ. Тас гээд л явчихсан гэнэ. Ухаан ороход хувцас нь цус бас шалаар нэг цус болсон байжээ. Харин захирал “....Ц-г агсраад янз бүр болоод байхаар нь жолооч Баярааг дуудаад таксинд суулгаж өг гээд явуулсан.  Гэтэл удагүй буцаад ороод ирсэн. Тэгээд өнөөх л мөнгө төгрөгний асуудлаа яриад ална хядна гээд намайг барьж авч боож, түлхэж унагаад дээр гарч шанаа руу нэг цохиж цээж хөл дээр дэвлэхэд бөөн чимээ гарч жолооч орж ирж салгасан. Үүнээс болж хөл гэмтсэн, эрүүл мэнд хохирсон...” гэжээ.  Ийнхүү бизнесмэнүүдийн дунд өр ширнээс болсон хурц маргаан ширүүн зодоон үе үе болдог болжээ

 

 

NUUTS.mn