Нууц мэдээллийн уурхай

Хятадын иргэн Өргөнтал/ Wurigentala/ нь Сонгинохайрхан дүүргийн 19 дүгээр хороо, 21 дүгээр хороолол 8-В байрны 137 тоотод өөрийн хууль ёсны эхнэр Монгол улсын иргэн Ж.Х-ыг бугалганы дотор хэсэг, гадна дээд хэсэг, гадна дунд хэсэг, зүүн шууны ард булчин хэсэг, духны баруун хэсэг, баруун сарвуу зэрэг газарт заазуураар ЗУРГААН удаа цавчиж онц харгис хэрцгий аргаар шууд санаатай алсан, улмаар уг гэмт хэргийг нуун далдлах зорилгоор, хохирогчийг биеэ хамгаалж чадахгүй байгааг мэдсээр байж насанд хүрээгүй 4 нас 10 сар 3 хоногтой, эрэгтэй А.А-н зулай хэсэгт нэг удаа заазуурдаж шууд санаатайгаар хоёр буюу түүнээс олон хүнийг алсан, мөн дээрхи зорилгоор, хохирогчийг биеэ хамгаалж чадахгүй байгааг мэдсээр байж насанд хүрээгүй 12 нас 08 сар 01 хоногтой, эрэгтэй Ө.Б-Э-ийн толгой гарт заазуурдаж хүнд гэмтэл учруулсан аймшигт хэрэг үйлдсэн. Тэрээр 1971 оны БНХАУ-ын ӨМӨЗО-ны Жирэм аймгийн Хорчин зүүн гарын хойд хошуунд төрсжээ. Хэрэг гардаг өдөр хятад иргэн нь Хар хорин зах дээр лангуу түрээслэдэг найзууд болох Отгон, Өлзийбат, Баагий, Болормаа болон эхнэрийн хамт “Цэлмэг” бааранд наргижээ. Өргөн тал нь 400 гр архи уусан гэж мэдүүлжээ. Түрээслэдэг байрандаа ирэхэд эхнэр нь хүмүүсийг байхад ямар их уудаг юм бэ гэж загнатал шууд алгадаад авчээ. Гомдсон эмэгтэй түрүүлж ороод хаалгаа хаахад өөрийн түлхүүрээр онгойлгон орж ирээд ахин алгаджээ. Хоёр ч алгадуулсан эмэгтэй хүүхдүүдээ хувцсаа өмс, явьцгаая гэжээ. Гарах гэхэд хятад эр хаалга алдан зам зааж ноцолджээ. Ноцолдоонд үүдний өрөөний тавиур унаж бөөн шуугиан дэгджээ. 

Эмэгтэй гарч чадаагүй тул  буцаад орон дээр суухад хятад эр “чи ямар сүртэй юм бэ, эр хүн эхнэрийгээ ганц алгадах байдаг л зүйл” гэжээ. “Чи ямар ганцаараа гартай юм уу” гээд эхнэр нь өөдөөс нь цохиход шүүгээний ногоон шургуулганд байсан том бор модон бариултай заазуурыг аваад далайн “ална шүү би чамайг” гэжээ. Эхнэр нь “амьдралдаа хүн над руу заазуур барьж дайрч байгаагүй, үзээгүй юм аа үзэх нь” гээд толгой сэгсэрчээ. Үүний дараа нөхөр нь заазуураа далд хийгээд уучлал гуйн дөхөхд эхнэр нь түлхээд ойртуулсангүй. Хүчтэй түлхэхэд хятад эрийн гар савагдаж А-гийн толгойг цохьжээ. Хүүхэд уйлсан байна. Өргөнтал “чи ямар хогийн хүүхэн бэ, би чамд бүх юмаа зориулдаг байсан” гэсэнд эхнэр нь“чи надад бүх юмаа зориулдаг байсан уу” гэж хариу ам асуухад өнөөх заазуураа гаргаж ирээд шууд толгойн хэсэгт нь цохижээ. Заазуурдахад цус үсэрсэн байна. Цус хараад улайрсан хятад баруун гарын шуу, булчингийнх нь гадна талд, дотор талд нь заазуурдаж шууны дотор хэсэгт ясыг нь гартал заазуурджээ. Ээжийгээ орилоход утсаар тоглож байсан А эргэж харсанд толгойн дундуур шууд заазуурджээ. Хүүхэд шууд хойшоогоо савж унасан гэнэ. Аймшигт аллагаас амьд үлдсэн Б-Э-рүү очиж заазуураа  далайхад хүүхэд биеэ хамгаалж зүүн гараараа толгойгоо хаасанд шуугаар нь тасрах шахтал заазуурджээ. Ингээд орон дээр сууж We-what-aaр эгчийнхээ охинд хүн алсан тухайгаа мэссэжээр бичжээ. Зургаан удаа заазуурдуулж цусандаа хутгалдсан эхнэр нь өндийн “би нэгэнт ийм болчихсон юм чинь А-ыг амьд үлдээгээрэй” гэхэд “чи наанаа дуугуй үхчихсэн юм шиг хэвт” гэж загнажээ. Эмэгтэй амьд үлдсэн хүүхдэд хандан “миний дүүг дуудаарай” гэхэд хятад эр “чи намайг дүүгээрээ айлгадаг хэн бэ?, би танай ах дуүгээс чинь айх юм уу” гээд утсан дээр бяц гишгэжээ. Эмэгтэй ахин юм хэлэх тэнхэлгүй болсон байжээ. Гараа тасдуулах шахсан хүүг өмнөө зогсоож “хөдөлбөл ална  шүү” гэжээ. Амьсгал хурааж байгаа эгч дүү хоёроо харсан хүү тэсэлгүй утас авч 102 луу залгахад булаан авч хана шидэн хагалжээ. Цагдаа нарыг очиход гар нь тасрах шахсан хүү хаалга онголйгож өгчээ. Том өрөөнд 40 гаран насны эмэгтэй толгойноос нь их хэмжээний цус гарсан байдалтай, хажууд  нь  бага насны хүүхэд цустайгаа холилдсон хэвтэж байжээ. Харин орон дээр уйлж суусан эр “би алчихлаа, би цохьчихсон” гээд орилжээ. Ярианаас нь хятад хүн болох нь мэдэгджээ. Талийгаач эмэгтэй алуурчин нөхөртөйгөө 2015 онд танилцжээ. Хамаатнууд нь гэрлэлтээ батлуулах үед л хятад хүнтэй сууж байгааг нь мэдсэн гэнэ. Өргөнтал шүүх хуралдааны үеэр хөнгөн ял оноож өгөхийг гуйжээ.