Нууц мэдээллийн уурхай

Ерөнхий сайд У.Хүрэлсүх цэвэрлэх байгууламжийн төслийг БХБ-ын сайд Х.Баделхан толгойгоороо хариуцана гэв. Энэ нь хариуцлага алдвал толгойтой нь ярина гэсэн үг. Ийнхүү Ерөнхий сайдын сэлэм гялс сайдын толгой бөндгөс болох янзтай. У.Хүрэлсүх сахилга хриуцлагын тухай сүртэй сүржин үг хэлдэг нь зоригтой шийдэмгий гэдэг пиар имижтэй нь овоо таардаг. Түүнийг шүүрэн авч цацагчид ч энэ талаас нь их магтдаг. Гэтэл цэвэрлэх байгууламж нь нүсэр ажилтай том төсөл. Ганцхан БХБЯ-наас хамаарахгүй, хотын захиргаа болон БОАЖЯ ч ихээхэн үүрэгтэй. Хотын дарга С.Батболд, БОАЖ-ын сайд Н.Цэрэнбат төдийгүй УИХ-ын  Байгаль орчин,хүнс хөдөө аж ахуйн байнгын хорооны дарга УИХ-ын гишүүн Ц.Гарамжав ч хариуцлага хүлээж оролцох ёстой. Энэхүү маш чухал бас том ажлыг Засгийн газрын өмнөөс Ерөнхий сайд хариуцах учиртай баймаар. Сайд нь Засгийн газрын өмнө хариуцлага хүлээ. Харин Ерөнхий сайд ард түмний хариуцлагаа хүлээ... Гэтэл өөрөө юу ч хариуцахгүй болж таарч байна. Өмнөөс нь нэг сайд “толгойгүй” болох янзтай. Хотын дарга ч Ерөнхий сайдыг дууриагаад эхэллээ. Утаа цэвэрлэх байгууламжин талаар үг дуугарсангүй. Өмнөөсөө Ногоон Хөгжил ,агаарын бохирдлын асуудал хариуцсан орлогч  Ж.Батбаясгаланаа л явуулдаг болжээ. Ийнхүү энэ ажилд эхнээсээ хариуцлагаас зугтаах бусдад тохох гэсэн заль  ажиглагдаж эхэллээ. Хэрвээ хийж амжихгүй бол Х.Баделхан унана. Тэрээр хар биш буурал үстэй толгойтой. Ерөнхий сайдын хүмүүс “толгой” авахаар ирэхээс өмнө амжуулаад үсээ хараар будчих. Тэд буурал толгой л хайж ирнэ. 

НУУЦ.мн