Нууц мэдээллийн уурхай

Засгийн газар ахиад л алдарт мөнгө тараах ажиллагаандаа орлоо. Эдийн аасаг сүйрлийн ирмэгт байхад 55 тэрбум төгрөг тараах нь санаа зөвхөн ЗОРИГТОЙ Ерөнхий сайдаас л гарна. Мөн МЭРГЭЖЛИЙН эдийн засагч Сангийн сайд л үүнийг зүтгүүлнэ. Ийнхүү төсвийн асар их мөнгө салхинд хийслээ. Энэ мөнгө идэж уух өмсөх зүүхэд л зарцуулагдаад дуусах нь хэнд ч ойлгомжтой. Гэхдээ төрийн албан хаагчид энэ мөнгийг өөрсөддөө ашигтай ашиглах санаа боломж байсаар байна. “Буян дааж амьдраарай” хэмээн Засгийн газраас өгч байгаа 55 тэрбум төгрөгийг нь нэг дансанд төвлөрүүлээд цэвэрлэх байгууламж барих гадны /дотоодын биш шүү/ компанитай хатуу гэрээ байгуулж хөрөнгө оруулалт хий. Өөрсдөө хувьцаа эзэмшигч болж ор.  Хяналтаа сайн тавь. Та нарын мөнгөөр цэвэрлэх байгууламж бүрэн баригдана. Ингээд хувьцааны ашгаа аваад яв. Бодлогогүй мөнгө тараалт, мууг зөгнөсөн үхэл хагацал зэргээс  харахад У.Хүрэлсүхийн Засгийн газраас өөдтэй юм хүлээгээд нэмэргүй нь... Иймд өөрсдийгөө бод. 2020 онд МАН ялагдаж та нар тэртэй тэргүй ажлаасаа халагдана. Тэр цагт цэвэрлэх байгууламжинд оруулсан 300 мянга, эзэмшиж байгаа хувьцаа чинь аминд орж удаан хугацааны ашиг өгнө шүү ...