Англи эр согтуудаа ДУХАН дээрээ эхнэрийнхээ нэрийг хятад ХАНЗААР шивүүлжээ
Нийтэлсэн: 2017-10-24 05:01:07
Тайваньд амьдардаг 32 настай Пол гэдэг англи эрийн эхнэр нь хайрлаж халамжлахгүй байна хэмээн гомдол гаргаж үглэсээр хагас жил болжээ. Тэрээр эхнэртэй хайртай, араар нь тавиагүй атал ийн зовоосоор байгаад залхжээ. Ингээд эхнэртэй хайртай хэвээрээ байгаагаа батлах гэж согтуудаа духан дээрээ нэрийг нь хятад ханзаар шивүүлжээ. Харин эхнэр нь үүнийг нь хайрын баталгаа хэмээн хүлээж авалгүй эсрэгээр нь уурлаж загнажээ. Түүнийг духан дээрхи утгагүй юмаа хурдан арилгуулахыг шаарджээ.
-Эхнэр маань маш ууртай байгаа. Үүнийгээ арилгуулахаас нааш гэртээ битгий ирээрэй гэсэн. Би ч усан тэнэг амьтан юм-
Пол тасарсан үедээ шивүүлсэн тул болсон явдлыг сайн санахгүй байгаа аж. Гэхдээ шивээсчинээ олжээ. Тэр нь Вэй Чэнг гэдэг шивээсчин аж. Шивээсчин залуу бүхнийг захиалагчийн хүсэлтийн дагуу хийсэн хэмээн өөрийгөө өмөөрчээ.
-Би энэ хүнээс та эхнэрийнхээ нэрийг духан дээрээ шивүүлэх юм уу гэж хэдэнтээ лавлаж ауусан. Энэ хүн тийм гээд бушуухан хийж өгөхийг шаардсан. Надад бичлэг байгаа. Энэ хүн өөрөө сайн дураараа л шивүүлсэн. Хөлс төлсөн. Тийм ч согтуу байгаагүй дээ-
Өдгөө түүнийг буруутгах хууль зүйн үндэслэлгүй гэнэ. Эмч нар Полын духан дээрхи шивээсийг 200 мянган тайван доллар буюу 5000 гаруй доллароор арилгаж өгнө гэжээ. 10 удаагийн эмчилгээнд орох шаардлагатай гэнэ. Гэтэл энэ нь Полд том мөнгө ажээ.
NUUTS.mn
