Бэлгийн хүчирхийллийх нь талаар “АМАА ХАМХИСАН” 5 эмэгтэйд 13 сая ДОЛЛАР төлсөн нь илэрчээ
Нийтэлсэн: 2017-10-22 02:23:39
.jpg)
Америкт ахин секс шуугиан дэгдлээ. Энэ удаад улс орон даяар алдаршиж нэрд гарсөн ТВ нэвтрүүлэгч Билл О'Рейли холбогдсон тухай The New York Times мэдээлжээ. Fox News-ийн нэвтрүүлэгчээр олон жил ажиллсан тэрээр Америкийн хамгийн олонд танигдсан, алдартай хүмүүсийн нэг юм. Гэтэл тэрээр хамт ажилладаг эмэгтэйчүүддээ ажлын байрны бэлгийн дарамт байнга үзүүлдэг нэгэн байжээ. Тэрээр ажилд дөнгөж орсон залуу эмэгтэйчүүдийг дотно харьцаанд орохыг тулгаж хариуд нь албандаа дэвших карьераа дээшлүүлэхэд нь туслана хэмээн шахдаг байжээ. Зөвшөөрөөгүй бүсгүйчүүдийг ажлын байрны дарамтанд оруулан халуулдаг байсан гэнэ. Тухайн үед таван эмэгтэй ажилтан нэрт нэвтрүүлэгчийн бэлгийн хүчирхийллийн тухай Fox News-ын удирдлагад гомдол гаргаж байжээ. Харин Билл О'Рейли тэднийг энэ талаар амаа хамхиж явахад хүргэж мөнгөн тохироо хийж чаджээ. Сонинд мэдээлснээр тэдэнд нийтдээ 13 сая доллар төлж асуудлыг нам дарсан гэнэ. Fox News-ын удирдлага энэ талаар мэдсэн ч телевизийнхээ нүүр царай болсон нэвтрүүлэгчийнхээ талд оржээ. Бүр асуудлыг зохицуулахад нь санхүүгийн туслалцаа хүртэл үзүүлжээ. Өдгөө энэ хэрэг илэрсэн тул нэвтрүүлэгч болон ТВ-гийн захиргаа тун хүнд байдалд ороод байна. Тэдний эсрэг тусгай мөрдлөг эхэлжээ. Нэвтрүүлэгчийг ажлаас халсан бол түүний хувь эзэмшдэг “O'Reilly Factor” мэдээллийн студи хамтран ажиллахаас татгалзжээ.
NUUTS.mn
