Шийдвэр гүйцэтгэгчид ДАНСАА хоослуулсан өвгөн ПУТИНААС авсны мөнгө гуйжээ
Нийтэлсэн: 2017-10-22 01:43:53
Оросын Забайкальскийн хязгаарын Ясной Оловяннинскийн районы ахмад настан Анатолий Вертипрахов Путинд захидал бичиж авсны мөнгө гуйсан тухай сөрөг хүчний сайтуудад мэдээлж байна.
Тэрээр сарын 8500 рублийн тэтгэвэр авдаг. Тэгвэл энэ бүсэд амьжиргааны доод түвшинг 8600 рублиэр тогтоожээ.
-Энэ сарын 16-нд манай районы шүүхийн шийдвэр гүйцэтгэгч Балданов Жаргал Гамбоевич нь миний дансанд байсан 8516 рубль 13 копейкийг суутгаж авлаа. Одоо надад ямар ч мөнгө алга. Талх авах ч мөнгө үлдээсэнгүй. Өдөр бүр уух ёстой эм маань тасалдлаа-
Захидлын төгсгөлд ийн бичжээ.
-Хүндэт Ерөнхийлөгч Та Забайкальскийн хязгаарын захирагч, Ясной Оловяннинскийн районы дарга болон миний амьдардаг «Яснинское» суурингийн захирагч нарт надад авсны мөнгө болон булш ухах зардал олгохыг тушааж өгнө үү. Би одоо 72 настай, ийм улсад амьдрах хүсэл алга-
Тэрээр 40 жилийн турш орон сууц ашиглалтын салбарт ажиллаад тэтгэвэрд гарсан ч өдгөө орон сууц ашиглалтын компанид луйвардуулсан гэнэ. Өвгөнийг байр гэрлийн их хэмжээний өрөнд унагаж ийнхүү тэтгэвэрийг нь хураажээ.
NUUTS.mn
