Цагдаа нарын буудсан 10 СУМАНД оногдсон БАРЬЦААНЫ ХҮН цагдаагийн газраас 75 МЯНГАН доллар нэхэмжилжээ
Нийтэлсэн: 2017-10-17 16:32:29
Fox23 News-д мэдээлснээр өнгөрсөн оны 1-р сарын 21-нд Оклахамо мужийн Юфхола хотын банкыг дээрэмдсэн хэрэг гарсан. Банк дээрэмдэх гэсэн этгээд нь 39 настай Седрик Норрис гэгч байсан. Тэрээр өглөөний 9 цаг 20 минутанд банкинд орж эрхлэгчийг буудаж үхлүүт шархдуулсан. Үүний дараа ажилтнуудыг нь айлган сүрдүүлж мөнгө нэхсэн.
Их хэмжээний бэлэн мөнгө авах үед нь цагдаа нар ирж банкны салбарыг бүсэлжээ. Дээрэмчин банкны ажилтнуудыг барьцаалах гэтэл тэд эсэргүүцэл үзүүлсэнд тухайн өдөр банкаар үйлчлүүлэх гэж ирээд байсан Жули Хафф гэдэг эмэгтэйг барьцааны хүн болгон хүчээр авч гарчээ. Гэмт этгээд барьцааны хүнээр амьд бамбай хийн банкнаас гарч машиндаа суулгаад зугтаажээ. Цагдаа нар араас нь хөөн бууцалцсан байна. Хөөцөлдөөн буудалцааны эцэст дээрэмчин алагдсан бол барьцааны хүн Жули цагдаа нарын суманд 10 удаа оногджээ. Олон удаа шархадсан ч гайхалтай нь амьд гарч чадсан. Хэд хэдэн удаа мэс засал хийлгэж жил гаруй эмнэлэгт хэвтсэн. Хэдий амьд гарсан ч тэрээр тахир дутуу болжээ. Өдгөө тэрээр цагдаа нарын суманд оногдож тахир дутуу болсон тул хотын цагдаагийн газраас 75 мянган доллар нэхэмжилж шүүхэд ханджээ. Мөн өмгөөлөгч авсан байна.
-Цагдаа нар гэмт этгээдийн машинд барьцааны хүн явааг мэдсээр байж буудсан. Миний үйлчлүүлэгч 10 шархадсан нь бүгд цагдаа нарын бууны сумных байсан нь тогтоогдсон. Гэмт этгээд түүнийг буудаагүй. Тэрээр олон удаагийн хүнд шарх авсан тул хэд хэдэн удаа мэс засал хийлгэсэн. Хэдийгээр амьд гарсан ч хотын банкны хайхрамжгүй байдал, цагдаагийн ажилтнуудын мэргэжлийн бус үйдлээс болж биемахбодийн болон сэтгэл санааны их хохирол амссан-
Цагдаа нарын суманд шархдаж эмнэлэгт хэвтэж байхад нь найз нөхөд нь YouCaring.com сайт дээр эмчилгээнд нь зориулж мөнгө босгох хандивын ажиллагаа явуулж 17,5 мянган доллар хуримтлуулжээ.
Өдгөө банк болон цагдаагийн газар болсон явдалд бие биенээ буруутгадаг гэнэ. Мөн цагдаа нарын мэргэжлийн чадвар бэлтгэл муу байгааг олон нийтийн зүгээс шүүмжилжээ.
NUUTS.mn
