Сахилгагүйтсэн 9-тэй ОХИНЫ дээр 147 КГ ЖИНТЭЙ нагац эгч нь суугаад хөнөөжээ
Нийтэлсэн: 2017-10-17 15:47:49
Fox News-д мэдээлснээр 147 кг жинтэй 64 настай Вероника Грин Поузи гэдэг эмэгтэй эцэг эхтэй нь тохиролцсоны дагуу хамаатныхаа есөн настай охин Дерика Линдсейг хардаг байжээ. Охин санаснаас хамаагүй сахилгагүй хүүхэд байсан тул нагац эгч үе үе хашраадаг үүнийг эцэг эх нь мэддэг байсан аж. Энэ сарын 15-нд охиныг үгэнд нь орохгүй байхаар нь нагац эгч хашраах гэж эхлээд урт шугмаар цохижээ. Гэсэн ч охин улам зөрүүдлэсэнд барьж аваад дээр нь гарч суужээ. 10 гаруй минут суусны дараа охин хөдлөхөө болихоор нь боссон гэнэ. Гэтэл охин ухаан алдсан байжээ. Сандарсан нагац эгч 911 руу залгажээ. Түргэн тусламж ирж амьсгалын хурц дутагдалд орсон охиныг Баптистийн эмнэлэгт хүргэсэн ч ухаан оролгүй байсаар нас барсан байна. Харин цагдаа биеэ хамгаалах чадваргүй хүнийг хөнөөсөн хэргээр нагац эгчийг баривчилжээ. Мөн охины эцэг эхийг хүүхдээ хараа хяналтгүй орхисон, хүүхдийн хүчирхийллийн хэргийг нуун дарагдуулсан гэх үндэслэлээр мөн баривчилж хорьжээ.
NUUTS.mn
