Хулгайлагдсан бүсгүйг олсон эр ШАГНАЛЫН 7 мянган долларыг ГЭР БҮЛД нь өгчээ
Нийтэлсэн: 2017-10-16 03:09:16
Миннесота мужийн 15 настай Жасмин Блок гэдэг охиныг өнгөрсөн 8-р сарын 10-нд хулгайлжээ. Мужийн хэмжээнд эрэл хайгуул хийж охины тухай мэдээлэл өгсөн хүнд долоон мянган долларын шагнал амлажээ. Гэмт этгээдүүд түүнийг хөдөөний байшинд бүтэн хоёр сар хорьж хүчирхийлж байсан нь дараа тогтоогджээ. Харин энэ сарын 7-нд охин гэмт этгээдүүдийн хорьж байсан байшингаас өөрөө зугтааж чаджээ. Зугтах замд нь нуур тааралдахад замаа товчлохын тулд сэлж гарахаа шийджээ. Гэсэн ч удтал хоол унд муутай хоригдож хүчирхийлүүлж хүч тамир нь суларсан охин живж амиа алдах шахахад 65 настай Эрл Мелчер гэдэг фермер тааралдаж амийг нь аварчээ-
-Би эхлээд нууранд буга сэлж явна гэж бодсон. Дараа нь сайн хартал хүн байсан. Яаран очиж моторт завин дээрээ гаргаад харахад алга болсон хэмээн зарлаж байсан охин мөн байсан-
Фермер охиныг гэртээ аваачиж анхны тусламж үзүүлээд цагдаа түргэн дууджээ. Энэ үед бүсгүйг хулгайлсан гурван этгээд болох 20 настай Стивен Пауэрс, 32 настайТомас Баркер болон 31 настай Жошуа Холбин араас нь мөрдсөөр фермерийн байшингийн хажуугаар гарчээ. Удалгүй цагдаа ирж гэмт этгээдүүдийн талаар мэдээлэл аваад тэр дор нь баривчилжээ. Өвгөн фермерд амласан шагналын долоон мянган долларыг гардуулахад тэр дор нь охины ар гэрт хадивлажээ.
-Энэ мөнгө одоо надад биш охины гэр бүлд илүү хэрэгтэй-
Хоёр сар хоригдож хүчирхийлүүлсэн охины эмчилгээнд нэлээд мөнгө хэрэгтэй байжээ.
НУУЦ.мн
