Нууц мэдээллийн уурхай

Bored Panda.-д бичсэнээр Бразилийн Сан-Пауло хотын Марилия болон Матеус Пьерони нарын хурмын өдөр  ширүүн бороо оржээ. Хурим болж байсан асарт нэгэн золбин нохой орж ирэхэд  хөөж гаргажээ.

Ингээд залуу хос гэрлэлтээ батлуулж бөгжөө солилцох үед нөгөө нохой ахин орж ирээд сүйт бүсгүйн хурмын даашинзны хормой дээр шууд хэвтээд өгсөн байна.

Даашинз маш муухай болж бохирджээ. Сүйт бүсгүй нь уйлах шахсан бол шүтлэгтэй гэр бүлээс гаралтай  Матеус тэр дор нь нохойг хурмын нэгэн зочин гэж зарлан хөөж гаргахгүй байхыг хүсжээ.
-Би угаасаа амьтанд хайртай. Миний хуриманд нохой орж ирсэн нь тохиолдлын зүйл биш. Магадгүй бурхан энэ хөөрхийлэлтэй амьтныг над руу явуулж тэжээж асрахыг хүссэн байх-

Нөхөр болох залуугаа ийн хэлэхэд Марилия уулга алдан цочирджээ.

Ийнхүү нохой хурмын зочин болж дайлуулжээ. Найр өндөрлөсөний дараа нохойгоо хайхад алга болжээ. Ингээд залуу хос яг л өөрийн нохойгоо алдсан мэт зар гарган шагнал амлаж эрж хайжээ. Долоо хоногийн дараа нохой олджээ.

Түүнд Снуп гэдэг нэр өгчээ.

Одоо тэрээр шинэ эзэдтэйгээ шинэ байшинд нь аз жаргалтай амьдарч байна.
 

NUUTS.mn