Сувилагч ээжийнхээ ДУРСГАЛЫГ хүндэтгэж таван охин нь ТАВУУЛАА сувилагч болжээ /бичлэг/
Нийтэлсэн: 2017-10-15 01:07:10
Сувилагчийн ажилдаа маш дуртай байсан Нони Мерфи гэдэг эмэгтэй 2001 онд хорт хавдраар өөд болжээ. Аймшигт хагацал болоход нөхөр Тони нь дөрвөн охины хамт үлдсэн байна. Ээж нь нас барахад охидын бага нь хоёр настай байжээ. Өдгөө Эрин, Келли, Рейчел, Кейси, Лин нар ээжийнхээ дурсгалыг хүндэтгэн эмнэлгийн коллеж төгсөж бүгдээрээ сувилагч болсон тухай ABC News-д мэдээлжээ.
Аав нь охиддоо ээжийх нь тухай байнга ярьж өгдөг байжээ. Ээж нь сувилагчийн ажилдаа маш хайртай, мэргэжлээрээ их бахархдаг, бүхий л төрлийн эмнэлэгт ажиллажээ. Мужийн том эмнэлэгт ажиллаж байхдаа шоронгийн эмнэлэгт сувилагч дутагдалтай байгааг сонсоод цалин нь буурахыг мэдсэн ч сайн дураараа очиж ажиллаж байсан гэнэ. Ажилдаа их анхаардаг ч гэр бүлээ умартдаггүй сайн эхнэр, сайн ээж байжээ. Аав нь ээжийх нь тухай яриагаа “ээж нь энэ бүхнийг та нарын төлөө л хийж байсан” хэмээн дуусгадаг байжээ. Ийнхүү охид нь бүгд ээжийнхээ замаар замнажээ.
-Аавын ярианаас л би ээж шигээ бас адилхан мэргэжилтэй болохыг хүсэн гэж Кейси Мерфи ярьжээ-
-Миний хамгийн эхэлж сонссон мэргэжил бол сувилагч байсан гэж бага охин Рейчел Мерфи хэлжээ-
Гэхдээ бүгдэд нь өөр өөрийн зорилго бий. Одоогоор бүгд сувилагчаар ажиллаж байгаа ч Келли нь эмч болохоор зорилго тавьжээ. Кейси хорт хавдрын эсрэг эм бүтээх ажилд оролцох хүсэлтэй гэнэ. Харин Рейчил, Эрин, Лин нар нь сувилагчаараа ажиллахаар болжээ. Аав охидынхоо шийдвэр ямар нэгэн байдлаар нөлөөлөөгүй гэжээ. Бүгд анагаахын салбарын мэргэжлийн сонгоход нь баярлаж уйлсан гэнэ.
NUUTS.mn
