Гоо сайхны хагалгааны дараа НҮҮР нь хавдсан хүүхнүүд ХИЛ дээр саатуулагджээ
Хятадын Weibo-д энэ зураг маш их хандалт авч 23 мянган удаа шейрлэгджээ. Саяхан болж өнгөрсөн Хятадын үндэсний баярын өмнөхөн гэртээ харих гэсэн эдгээр хүүхнүүд Өмнөд Солонгосын хил дээр саатуулагджээ. Хил гаалийнхан тэднийг гадаад паспорт дахь зурагнаасаа өөр царай төрхтэй байна хэмээн хил нэвтрүүлээгүй аж. Гурван хятад хүүхэн Сөүлд гоо сайхны мэс засал хийлгэсний улмаас нүүр царай нь хавдсан, баярын өмнөхөн гэртээ харихын тулд хавдраа буухыг хүлээлгүй буцах гэж байгаа тухайгаа тайлбарласан ч хүлээн авсангүй.
Тус улсын хууль ёсоор Өмнөд Солонгосд гоо сайхны хагалгаа хийлгэсэн хүмүүс эмчилгээ бүрэн дуусаагүй үед тухайн эмнэлгээсээ тусгай сертификат аван хил нэвтэрдэг. Гэсэн ч хятад хүүхнүүдэд гоо сайхны хагалгаа хийлгэсний улмаас нүүр нь хавдаж царайны төрх нь өөрчлөгдсөнийг батлах ямар ч бичиг баримт байсангүй тул ийнхүү саатуулагджээ. Ийнхүү тэд нүүрний хавдар нь буух хүртэл хил нэвтрэх эрхгүй болжээ. Хамгийн сүүлийн мэдээллээр одоо ч Өмнөд Солонгосд байгаа гэнэ.
НУУЦ.мн
