Нууц мэдээллийн уурхай

У.Хүрэлсүхийн Засгийн газрын гишүүдийн нэрс тодорчээ. Бүрэлдэхүүнийг нь хараад л М.Энхболдод бууж өгсөн нь харагдлаа. УИХ-ын даргын талаас Монгол Улсын Шадар сайд Л.Энх-Амгалан, Байгаль орчин, аялал жуулчлалын сайд О.Содбилэг, БСШУС-ын сайд Ц.Цогзолмаа, Зам, тээвэр хөгжлийн сайд Ж.Бат-Эрдэнэ, Барилга хот байгуулалтын сайд Х.Баделхан, Батлан хамгаалахын сайд Б.Цэрэнбат нар оржээ. Нэрсийг нь харахад Ж.Эрдэнэбатын Засгийн газрыг хамгийн хүчтэй бас тууштай хамгаалж байсан хүмүүс байна. Харин У.Хүрэлсүхийн талаас  Монгол Улсын сайд, ЗГХЭГ-ын дарга Г.Занданшатар, Гадаад харилцааны сайд Б.Цогтбаатар, Уул, уурхай хүнд үйлдвэрийн сайд Д.Сумъяабазар, Эрчим хүчний сайд Ц.Даваасүрэн, Сангийн сайд Ч.Хүрэлбаатар, Хууль зүй, дотоод хэргийн сайд Ш.Раднаасэд, Хүнс, хөдөө аж ахуй, хөнгөн үйлдвэрийн сайд Б.Батзориг, Хөдөлмөр, нийгмийн хамгааллын сайд С.Чинзориг, Эрүүл мэндийн сайд Б.Сарангэрэл нарыг дэвшүүлжээ. Эд нар Монголыг аврах “армагедончууд” болжээ. Гэхдээ Д.Сумьяабазар нар баярлах болоогүй. Сайдад нэр дэвшигчдийн нэр цаг тутамд өөрчлөгдөж байна. Я.Содбаатарын нэр өчигдөр яригдаж байсан бол өнөөдөр хасагдсан. Өөртөө итгэсэн тэрээр бас л “Монголыг аварна” хэмээн яриа өгсөн.

Б.Жавхлан гишүүн өөрийгөө “банкир” хэмээн цацуулж байна. Намын даргадаа бууж өгсөнөөр У.Хүрэлсүх нийгмийн хүлээлтийг даах бас гүйцэтгэж чадах улстөрч биш гэдгээ харууллаа. Харин ч зальтай хүн юм. Ямар ч байсан Т.Аюурсайхан нарыг хуурчихсан. Гэхдээ бүр Ц.Багабаньдитай нь хамт хуурчихлаа. Одоо У.Хүрэлсүх цолондоо ханасан бөх шиг болсон тул тэд хэрэггүй болжээ.

 

НУУЦ.мн