Нууц мэдээллийн уурхай

Олон нийтийн итгэл хүлээлтийг У.Хүрэлсүх дааж чадсангүй. МАНАН-тай тэмцэх нь замын цагдаа эсвэл Г.Баярсайханг цохиж унагахаас хэцүү нь мэдээж. Гэтэл өөрөө амархан гэж бодож байсан бололтой. У.Хүрэлсүхийн ярьж хийж байсан бүхнийг эргэн саная ... "Би ажлаа өгөөд та нартай тэмцэнэ" гэсэн ч өдгөө Ерөнхий сайд болоод явж байна. "Би та нартай ямар ч тохиролцоонд орохгүй" гэж байсан ч М.Энхболдтойгоо яамд хувааж авах яриа хийгээд явж байна. МАНАН-тай тэмцэнэ гэсэн ч тэмцэхгүй нь. 60 тэрбумын хэргийг илрүүлнэ гэсэн ч эргээд 60 тэрбумыхантайгаа тохиролцоод эхэллээ. Эдгээрээс М.энхболтой яриа хэлэлцээр хийсэн нь засаг огцруулах товчлуур хамт даралцсан нөхдийх нь дургүйг хүргэжээ.  Засгийн газрын 60 хувийг У.Хүрэлсүх өөрөө, 40 хувийг М.Энхболд мэдэж томилохоор дээгүүрээ тохироо хийгджээ. Үүнийг Ц.Нямдорж, Ж.Энхбаяр, Л.Оюун-Эрдэнэ, Т.Аюурсайхан нар У.Хүрэлсүх, М.Энхболд хоёрын тохиролцоог эсэргүүцсэн байна. Тэд Ерөнхий сайд У.Хүрэлсүхэд энэ талаараа дуулгаж, “…Зарчмаасаа ухарч М.Энхболдын фракцтай нийлж Засгийн газраа бүрдүүлэх гэж байгаа дэмжихгүй байна” гэжээ. Өнөөдөр Ерөнхий сайдад бичгээр албан шаардлага хүргүүлэх аж. Ийнхүү У.Хүрэлсүх хоёрдахь удаагаа урвалаа. Эхнийх нь Ерөнхийлөгчийн сонгуулийн өмнөхөн гарсан. Одоо засаг огцруулахад хамт тэмцсэн нөхдөөсөө урвалаа. Үнэндээ Ерөнхий сайд болсон хүнд өөрсдөө хэрэггүй болсон гэдгээ Т.Аюурсайхан нар ухаарахгүй явна.

 

НУУЦ.мн