Бразилийн Олимпийн хорооны тэргүүнийг АВИЛГАЛЫН хэргээр баривчилжээ
Нийтэлсэн: 2017-10-09 02:55:03
Бразилийн цагдаа нар тус улсын Үндэсний олимпийн хорооны тэргүүнийг Рио-де-Жанейро хотоос баривчлан саатуулжээ. Өдгөө 72 настай Карлос Нузманыг олимп зохион байгуулах хотыг сонгон шалгаруулах явцад эрх бүхий гишүүдэд авлига өгсөн хэрэгт буруутган, шалгаж байгаа юм. Нузман өөрийгөө гэм буруугүй гэж мэдүүлжээ. Авлигын хэрэгт холбогдуулан Бразилийн олимпийн хорооны захирал асан Леонардо Гринерийг мөн баривчилсан байна. Франц болон АНУ-ын цагдаагийн газрын хүсэлтээр Бразилын хууль, хяналтын байгууллага дээрх авлигын хэргийг шалгаж эхэлсэн бөгөөд өнгөрсөн есдүгээр сард Нузманы гэрт нэгжлэг хийж, түүнийг хилээр гарахыг хоригложээ.
Түүнийг Олон улсын олимпийн хороо /ОУОХ/-ны Сенегалын нөлөө бүхий гишүүний хүү Папа Массата Диак гэгчид хоёр сая ам.доллар бэлнээр өгсөн хэрэгт сэжиглэж байгаа аж. Ийнхүү тэрээр ял шийтгэлээ хүлээх нь тодорхой болжээ. Харин манайд эсрэгээрээ улам бүр суудалдаа шигдсээр сууна.
НУУЦ.мн
