300 сая доллартай БАНКИНД хүрэхийн тулд 1,5 САЯ долларын өртөгтэй ХОНГИЛ ухуулаад баригджээ
Нийтэлсэн: 2017-10-08 13:15:20
Бразилийн Сан-Паулу хотын “Banco Do Brasil”-ийн салбар нь “Rua Verbo Divino” гудамжинд байрладаг. Тухайн үед банкинд 300 сая доллар бэлнээр байсан аж. Хотын цагдаагийн газрын мэдэгдсэнээр бүлэг дээрэмчид 600 метрийн зайд орших “Chacara Santo Antonio” гудамжнаас банкны салбар хүртэл газар доогуур нүхэн хонгил ухуулж байгаад баригджээ. Нүхэн хонгил ухах ажил дөрвөн сарын өмнөөс эхэлсэн байна. Хонгилыг инженерийн байгууламжийн ном журмын дагуу төмөр бэхэлгээтэй, цахилгаан гэрэлтүүлэгтэйгээр байгуулжээ.
Гэмт этгээдүүд мэргэжлийн ажилтнууд хөлсөлснөөс гадна өөрсдөө ээлжилэн ажиллаж байсан гэнэ. Ажил 24 цагийн турш тасралтгүй явагдаж ухаж гаргасан шороогоо өдрийн цагаар ачааны машинаар зөөж асгаж байжээ. Гайхалтай нь нүхэн хонгил ухаж байгааг тэр хавийн иргэд байтугай хотын дулааны цахилгааны компаниуд ч хүртэл мэдээгүй аж. Энэ хугацаанд дээрэмчид нийтдээ 1,2 сая долларыг зарцуулаад байсан нь хураагдсан ажлын баримт бичгээр нь батлагджээ. “Хэрвээ энэ ажиллагаа бүтсэн бол Бразилийн түүхэн дэх банк ухсан хамгийн том хулгай болох байсан” хэмээн хотын цагдаагийн газрын дарга мэдэгджээ. Цагдаа нар нүхэн хонгил ухагдаад хоёр сар өнгөрсний дараа халуун мөрөр нь орж нууцаар хянажээ. Ингээд өнгөрсөн долоо хоногт тусгай ажиллагаа явуулж гэмт этгээдүүдийг ажлын байран дээр нь ажлын хувцастай нь баривчилжээ.
NUUTS.mn
