Алга болсон ОХИНЫХОО зургийг БИЕ ҮНЭЛЭГЧДИЙН САЙТ-аас харсан ээж нь “ЗАХИАЛГА” өгч барьжээ
Daily Mai-д мэдээлснээр Атланта хотын Кубийка Прайд гэдэг эмэгтэйн 13 настай охин нь 2015 онд гэнэт алга болжээ. Эх нь цагдаа болон найз нарынхаа хамт есөн сар эрж хайсан ч олсонгүй. Ингээд нэгэн найзынхаа зөвлөснөөр секс үйлчилгээ үзүүлдэг сайтуудыг шүүж үзэхэд дуудлагын эскорт-үйлчилгээний Backpage.com сайтад охиных нь зургийг байрлуулсан байхыг олж харсан байна.
Уг сайтын “Шинэ охид” хэсэгт охиных нь дотуур хувцастай зогсож байгаа зургийг оруулсан байжээ. Зураг оруулсан огноог нь харахад алга болсоноос хойшх 240 дэх хоногт гэнэ. Тэр дороо уг сайтад холбогдож секс үйлчилгээ авах гэж байгаа үйлчлүүлэгчийн дүрээр охиноо захиалсан байна.
Мөн цагдаад дуудлага өгчээ. Гэсэн ч цагдаа нар хоцорч ирсэн тул охиныг нь хүргэж ирсэн хоёр эрийг барьж чадалгүй алджээ. Охин нь алга болохдоо сургуулийнхаа үдэшлэгт явж байсан аж. Үдэшлэгээс тарах үед нь нэгэн эмэгтэй таарч гэрт нь хүргэж өгөхийг санал болгосонд зөвшөөрчээ. Маш эелдэг ааштай эмэгтэй байсан гэнэ. Гэсэн ч машиндаа суулгаад үл мэдэгдэх газарт аваачиж хүчээр мансууруулсан аж. Ээжийнхээ гэрт хүргэж ирэхдээ биед нь зодуурын ул мөртэйн гадна сэтгэл хөөрөл мансуурлын байдалтай байжээ. Тэрээр охидыг хулгайлан биеийг нь үнэлүүлдэг гэмт бүлэглэлийн гарт орсон нь тодорхой болжээ. Баригдаж хоригдох үедээ охинд нь мансууруурах бодис өгч хүчтэй оруулсан байна. Мансуурах донтой болсон охин нь дараа нь хоёр ч удаа гэрээсээ оргожээ. Кубийка Прайд Backpage.com сайтыг цагдаа шүүхэд өгсөн ч биеэ үнэлэхэд зуучилдаг гэдгийг нь бүрэн баталж чадаагүй тул амжилтанд хүрсэнгүй. Гэсэн ч бүтэн жил илүү шүүхдсэний эцэст саяхан уг сайтыг хаалгаж чаджээ. Одоо эздийг нь хэрэгт татахаар дараагийн арга хэмжээндээ оржээ.
НУУЦ.мн
