Нууц мэдээллийн уурхай

Чингэлтэй дүүргийн 12-р хороо, Акума төвийн хажуугийн гүүрний доод талд 60 настай, эмэгтэйн хүсэл зоригийн эсрэг хүч хэрэглэж хүчээр бэлгийн харьцаанд орж хүчиндэж хөнөсөөн хэргийг шийдвэрлэжээ. Энэ аймшигт хэргийг 20 настай Т.Н гэдэг залуу үйлджээ. Тэрээр настай эмэгтэйг хүчирхийлсний дараа гэмт хэргээ нуун далдлах зорилгоор зодож хөнөөсөн байна. Хохирогч тархины хүнд гэмтлээр амиа алджээ. Хөнөөгөөд явахдаа гар утас, 13 мянган төгрөгийг нь авчээ. Хохирогчийн охин нь “...Манай ээж нийтийн бүжигт явдаг байсан. Тэр өдөр ирээгүй, Залгахад утсаа авахгүй байсан.  10-11 цагийн хооронд олон удаа залгасан. Харин 11 цагийн үед хэрэгтэн утсыг нь авсан байсан. Тэгээд  танай ээж чинь энд тасарсан байна, би таксины жолооч байна гэсэн. Манай ээж тамхи л татдаг болохоос огт архи уудаггүй. Хаана явж байгааг асуухад 120 мянгатад гэсэн. Би гэрээ зааж өгөөд аваад ир, таксины чинь мөнгийг өгье гэхэд за гээд утсаа таслаад түүнээс хойш ээжийн утас бүр холбогдохоо больсон. Харин маргааш орой нь энгийн хувцастай  цагдаа, ээжтэй хамт явдаг байсан найзтай нь хамт орж ирээд өнгөрсөн байна гэж хэлсэн” гэжээ. Алуурчин өөрийнхөө эмээ шиг хоёр удаа хүчинджээ. Гүүрний дэргэд жижигхэн биетэй эмэгтэй явж байхад нь хүч хэрэглэн хүчирхийлжээ. Улмаар зодсон байна.  Ухаан алдан унахад нь гар утас, мөнгийг авч яваад шар айраг уугаад буцаж иржээ. Энэ үед эмгэн хөдлөлгүй хажуу тийшээ харан хэвтэж байсанд ахин хүчирхийлээд хаяад явжээ.

 

НУУЦ.мн