Гадаад орны ЭСЯ-д У.Хүрэлсүхийн Засгийн газрыг УДАХГҮЙ гэсэн мэдээлэл төвдөө илгээжээ
Өнөөдөр УИХ хуралдаж Ерөнхий сайдаар У.Хүрэлсүхийг томиллоо. Тэрээр Монгол Улсын 30 дахь Ерөнхий сайд болов. Гэхдээ албан тушаалдаа 300 хоног тэсэх эсэх нь тун ч эргэлзээтэй байна. Ерөнхий сайдыг батламжилах хуралдаанд МАН-ын 29 гишүүн ирсэнгүй. Үүнийг улстөрийн ямар ч өнцгөөс тайлбарласан ч парламентийн гишүүдийн тал шахуу хувь нь шинэ Ерөнхий сайдыг дэмжихгүй байна гэдгийг тод харуулав. Харин У.Хүрэлсүхийг батламжилах хуралдааныг 30-аас дээш орны гадаад харилцааныхан ажиглажээ. Голлох Америк, Орос Хятад Солонгос зэрэг орны төлөөлөл хуралдаанд ирж үзсэн. Үрд дүнд нь У.Хүрэлсүхийн Засгийн газар тун удахгүй гэсэн мэдээллийг төвдөө явуулсан гэнэ. Учир нь өнөөдрийн хуралдааны зөвхөн ирцээр л шинэ Засгийн газар нь парламентийн дэмжлэгийг бүрэн хангалттай авахгүй байгааг баталсан.
Үүнийг чуулганы тэнхимийн тал хагас хоосон суудал давхар харууллаа. У.Хүрэлсүх Ерөнхий сайд болсон ч парламентийн дэмжлэгийг хүлээгээгүй гэдгээ нотолж барууны ардчиллын үндсэн зарчмуудын нэгийг зөрчлөө. Баруунд парламентийн дэмжлэгийг хүлээгээгүй Засгийн газар тэр дороо л огцордог, унадаг. Үүнийг мэдэрсэн Ерөнхий сайд нь өөрөө парламентдаа итгэл үзүүлэх эсэх асуудлыг оруулдаг номтой. Монголд Ерөнхий сайд асан Ч.Бямбасүрэн ийм жишгийг тогтоож байсан. Ийнхүү Монголын төр тогтворжоогүй, шинэ Ерөнхий сайд нь азаар шахуу гарч ирсэн хүн гэдгийг өнөөдрийн хуралдааны ирц дэлхий дахинд зарлав. Ийм Засгийн газартай хэн итгэж найдаж бас хамтран ажиллах бол ...
NUUTS.mn
