Эрчим хүчний салбарын төсөв 2.5 тэрбумаар хэтэрчээ
Нийтэлсэн: 2017-10-04 07:50:57
.jpg)
Үндэсний аудитын газраас хийсэн шалгалтын дүнгээр Эрчим хүчний салбар төсвийг 2,5 тэрбум төгрөгөөр хэтрүүлснийг Улсын ерөнхий аудиторын зөвлөх А.Энхбат онцоллоо.Түүнчлэн тус шалгалтаар ЭХЯ худалдан авах ажиллагаанд төлөвлөлтийн алдаа гаргасан, газрын маргаантай бөгөөд хөрөнгө оруулалтын төсөл, арга хэмжээг хэрэгжүүлэх объектыг барих газрыг нь шийдээгүй байж төсөвт хөрөнгийг нь тусгуулсан гээд олон шалтгааны улмаас 89.2 тэрбум төгрөгийн төсөвт өртөгтэй 10 барилга байгууламжийг ашиглалтад хүлээн авах боломжгүй болсныг тогтоосон байна.
Мөн Эрчим хүчний сайдын эрхлэх асуудлын хүрээний байгууллагуудын 2016 оны санхүүгийн нэгдсэн тайланд аудит хийхэд нийт 18 тэрбум төгрөгийн зөрчил илэрч, аудитын байгууллагаас төлбөрийн акт тогтоосон байна.
Түүнчлэн энэ салбарт өр, авлагын хэмжээ ихээсэнийг Эрчим хүчний сайдын эрхлэх асуудлын хүрээний байгууллагуудын 2016 оны жилийн эцсийн санхүүгийн нэгдсэн тайлан харуулж байгаа юм. Нийтдээ 97.4 тэрбум төгрөгийн авлагатай гэж тайлагнажээ. Энэ нь өмнөх оныхоос 24.3 тэрбумаар өссөн дүн юм.
Your posting re***ly stratghiened me out. Thanks!