Нууц мэдээллийн уурхай

Яг өнөөдөр Монголд хэн хамгийн аз жаргалтай байна вэ ... Үрээ өлгийдсэн ээж үү, цалин нь нэмэгдэхгүй болсоныг мэдсэн багш нар уу ... Харин энэ зургаас эзэн нь олдож байна. Үүрэгт ажилдаа ийм баясгалантайгаар орж байсан Ерөнхий сайд тун ховор биз. Дэлхийн 2-р дайны гал асаж байхад англичууд Уиньстон Черчиллийг Ерөнхий сайдаар сонгосон. Тухайн үед улс орны байдал туйлын хүнд байв. Европын холбоотнууд нь Германд бүрэн эзлэгдсэнээс гадна өөрсдөө ч бүслэлтийн байдалд орсон. Аж үйлдвэрийн түүхий эдээс эхлээд хүнсний өргөн хэрэглээний барааг далайгаар татаж байсан ч замд дайсны шумбадаг хөлгүүд живүүлсээр байсан.

Ерөнхий сайдаар томилогдохдоо Уинстон Черчиль маш баргар царайтай зогссон агаад ард иргэддээ хандаж хэлсэн анхны үгээ “би та бүхэнд хөлс, нулимс, цус гурваас өөр юу ч амлаж чадахгүй” гэсэн өгүүлбэрээр эхэлсэн гэдэг. Манай улсын байдал л дайны үеийн Англиас дээрдэхгүй байна. Харин дарга нар нь маш баяртайгаар бас шуналтайгаар эрх мэдэл рүү тэмүүлдэг. Зугаа цэнгэл, найр наадам руу явж байгаа хүмүүс шиг л харагддаг. Харин иргэд нь өглөө бүр энэ өдрийг яаж тэсэж өнгөрөөх вэ гэсэн айдсаар дүүрэн сэрдэг.
 

НУУЦ.мн