Нууц мэдээллийн уурхай

Ц.Нямдорж одоо л Хууль зүйн сайдаас татгалзаж байгаа болохоос өмнө нь өөрөөс нь өөр хүн энэ яамыг удирдаж чадна гэдэгт итгэхгүй болтлоо төөрсөн байлаа. Олон ч засагт Хуульзүйн сайд хийж олон ч хар дэвтэртэй болсон гэдэг. Тэгвэл Д.Оюунхорол Байгаль орчны яамыг олон удаа “удирддаг”. Засаг өөрчлөгдөж яамны нэр ч солигдож байхад сайд нь солигдолгүй, МАН-ы нэг хатагтай ирсээр л байсан. Олон ч ажил хийсэн. Хамгийн сүүлд нь дэрэвгэр жиргэрүү гэдэг эмийн ховор ургамлыг түүх гадагшаа гаргахыг хориглолоо. Гайхалтай нь өмнөх сайд нь таван жилээр угаасаа хориглочихсон байсныг түр завсардсан сайд хатагтай ирээд уг тушаалыг хүчингүй болгож баахөн зөвшөөрөл өгөөд эцэст нь өөрөө хорьсон болж  байна. Энэ шоунд хөөрхий дэрэвгэр жиргэрүү л хохироод үлдсэн. Огцорсон Ж.Эрдэнэбатын Засгийн газрын сайдуудаас У.Хүрэлсүхийн засагт орж магадгүй нь Б.Бат-Эрдэнэ, Д.Оюунхорол нар ... Тэд анхнаасаа л “А” төлөвлөгөөтэй байсан нь одоо илэрч байна. Сүүлдээ огцорсон засгийхны уулзалтанд ч ирэхээ болилоо. Үүнийг нь засгаа хамгаалж товчлуур дарагсад урвалт гэж нэрлэж байгаа. Гэхдээ сайдын үүрэг гүйцэтгэгч нарын хувьд сайд болох нь бэрх хүнд даваа... Маш их эсэргүүцэлтэй тулгарна. Иймд өдгөө сайдын үүрэг гүйцэтгэгч болсон хатагтай элчин сайд болох “Б” төллөвлөгөөтэй явна. Өмнөх дөрвөн жилд Ан-аас олон ч эмэгтэй элчин сайд гарсан. Оросд Дэлгэрмээ, Индонезид Батцэцэг, Бразильд Очирмаа гээд ... Энэ нь урам зориг өгсөн биз. Тэгээд ч Монголын төрийн дотоод ажилд олон жил зүтгэсэн, одоо гадаад ажилд нь орох цаг болсон гэж үзэж байгаа гэнэ. Тэрээр хурал зөвлөгөөн дээр олонтоо унтаж зүүрмэглэдэг. Магадгүй дуг хийхдээ элчин сайд боллоо хэмээн зүүдлэсэн ч байж болох юм ...
 

НУУЦ.мн