Нууц мэдээллийн уурхай

Лос–Анжелос хотын Мандалай Бэй зочид буудлын дэргэдэх задгай талбайд болж байсан “Harvest Music Festival” хөгжмийн наадамд оролцогчид руу зочид буудлаас автомат буугаар шүршиж 50 хүнийг хөнөөн 400 гаруй хүн гэмтэж шархджээ. Цагдаа нар 64 настай нутгийн иргэн Стивен Пэддок буудсан болохыг тогтоосон.

Тэрээр хөгжмийн наадам болохоос өмнө зочид буудлын 32-р давхарт өрөө хөлсөлж авчээ. Өрөөнөөс нь 10 гаруй автомат буу олдсон. Олон хүнийг хөнөөсөн эр газар дээрээ амиа хорлосон. Одоо цагдаа нар түүний хамтран амьдрагч 62 настай Мэрилу Дэнли гэдэг эмэгтэйг эрэн сурвалжилж байна. Тэр хоёр хамтдаа Лос-Анжелос хотоос 120 км зайд орших Мескит хотын асрамжийн газарт амьдардаг байжээ. Цагдаагийн мэдээллээр буудагч нь өмнө гэмт хэрэг үйлдэж байгаагүй, алан хядах байгууллагад хамааралгүй байсан гэнэ. Тийм ч учраас уг хэргийг террорист ажиллагаа гэж дүгнээгүй байна. Гэхдээ SITE-д мэдээлснээр Исламын улс бүлэглэл энэ хэргийн хариуцлагыг хүлээсэн байна.

Тус алан хядах байгууллагын мэдээлснээр Стивен Пэддок нь саяхан лалын шажинд орсон аж. Мөн Исламын улс байгууллагад нэгджээ.

НУУЦ.мн