Нууц мэдээллийн уурхай

Латин Америкийн эрчүүдийг нүд хөмсөг, сахал сайтай царайлаг гэдэг нь үгүй аж. Мексикийн Табоско мужид эрэгтэйчүүдийн дунд “Mr. Model Tabasco” буюу мужийн хамгийн царайлаг залууг шалгаруулах уламжлалт тэмцээнийг явуулсаар ирсэн. Тэмцээний шалгаруулалтын шаардлага ёсоор оролцогч нь 175 см-ээс дээш өндөртэй, эр хүний гоо сайхныг харуулсан зөв царай төрх, бие гальбиртай байх ёстойгоос гадна тайчигч биш, хүүхэдгүй, эхнэргүй байх ёстой гэнэ. Энэ удаагийн тэмцээнд оролцохоор 80 гаруй залуу бүртгүүлжээ. Зохион байгуулагчид тэдний дундаас шаардлага болзол арай дөнгүүр хангасан гэх зургааг сонгон авсан нь эд аж.

Өөрөөр хэлбэл хэлбэл нийт оролцогчид дундаас хамгийн гайгүй нь сонгогдсон залуус байжээ.

Гэсэн ч тэд царай, биеийн хөгжил, гальбираараа бас л шаардлага хангахгүй байна гэж үзжээ.

Ингээд зохион байгуулагчдын шийдвэрээр энэ удаагийн “Mr. Model Tabasco 2017” тэмцээнийг оролцогчид нь зохих шаардлагад тэнцээгүй буюу царай муутай байсан гэх шалтгаанаар цуцалсан байна.

Болсон явдал Мексик даяар шуугиан тарьжээ. Мужийн эрх баригчид яаран гоомой шийдвэр гаргаж Табоскогийн нэр хүндийг унагалаа хэмээн зохион байгуулагчдыг буруутгажээ. Бусад мужийн тэднийг шоолон элэг доог болгож эхэлжээ.

Мужийн иргэд табоско эрчүүдийг гутаан доромжилсон хэрэг хэмээн цахимаар эсэргүүцэл бухимдлаа илэрхийлжээ. “Манай мужаас Мексикийн нүүр царай болж чадахгүй ч Табоскогийн нүүр царай болох царайлаг залуу олдохгүй байна гэж үү” хэмээн нэгэн хэрэглэгч бичжээ. Харин мужийн эмэгтэйчүүд нь манай эрчүүд царай муутай нь үнэн хэмээн шуугисан байна.
 

NUUTS.mn