Нууц мэдээллийн уурхай

Саяхан Оросд алдарт “АКА” автоматыг бүтээсэн Михаил Калашниковд зориулан хөшөө бүтээсэн. Хөшөөнд зохион бүтээгчийн том баримлаас гадна энэхүү алдарт буу хэрхэн  бүтсэн түүхийг харуулсан. Гэтэл хөшөөний доод хэсэгт Германы нэрт зохион бүтээгч Хуго Шмайссерын “StG 44” автоматын схем, загвар эд ангийг тэр чигээр нь сийлэн оруулсан байхыг зэвсгийн мэргэжилтнүүд, цэргийнхэн ажиглажээ.

Ингээд цагдаад гомдол гаргажээ.

Цагдаа хөшөөг бүтээсэн урчуудыг Оросын зохион бүтээгчийн бүтээлийг үгүйсгэсэн, гадаадын зэвсгийг зориуд оруулсан хэмээн дуудаж байцаажээ. Хөшөөг Салават Щербаковын удирддаг урланд бүтээжээ. Тэрээр орос бус башкир үндэстэн байсан нь улам ч шуугиан дэгдээжээ.

Урлангийн эзэн ажилчдын хамт цагдаад гурван өдөр дараалан байцаагджээ. Тэд “АКА” нь герман автоматтай маш адилхан тул ердөө л андуурсан гэж мэдүүлжээ. Эцэст нь гадаадын зохион бүтээгчийн автоматын схемийг хөшөөнөөс арилгах үүрэг хүлээжээ.

Энэ ажлыг цагдаагийн хяналтан дор гүйцэтгэжээ.

Герман автоматын эд ангийн схемийг бүрэн арилгажээ.

Гэсэн ч хэрэг явдал үүгээр дууссангүй. Хэсэг эх оронч иргэд хөшөөний талаар Думд гомдол гаргасан захиа илгээсэн байна. Одоо урчууд Холбооны мөрдөх товчоо буюу Следсвенный Комиттет-д дуудагдаад байгаа гэнэ.
 

НУУЦ.мн