Нууц мэдээллийн уурхай

Reddit-д мэдээлснээр Крис Мендиола гэдэг залуу шинэхэн шивээсээ гайхуулах гээд цахимын доог болжээ. Зургаан жилийн өмнө тэрээр нохой худалдан авсан агаад өмнөх эзэн нь засаа тушаа нь нэгэн шивээс хийлгэсэн байхыг анзаарчээ. Энэ жилүүдэд нохойдоо маш их дасаж хайртай болсон тул тэр шивээсийг нь гартаа хийлгэхээр шийдэж шивүүлжээ.

-Миний нохойд өмнөх эзэн нь ийм шивээс хийлгэсэн байсан. Нохойдоо шивээс хийлгэх буруу. Гэхдээ нохойгоо дэмжээд шивээсийг нь гартаа хийлгүүллээ-
Гэтэл тэрээр шивээсний учрыг ойлголгүй түргэджээ. Эр хүний бэлэг тэмдгийг зураасаар хуваасан шивээс нь засуулсан амьтанд тавьдаг мал эмнэлгийн нэг ёсны тамга гэнэ. Залуу энэ шивээсийг хийлгэснээр өөрөө засуулсан болж таарчээ.

-Энэ чинь засуулсан нохойд тавьдаг шивээс ч дээ... Манай нохойд ч ийм шивээс бий...Чи ч балладаг залуу юм аа-
-Ээждээ л битгий үзүүлээрэй-
-Чи бас засуулаа юу ?
-Тэгэхээр чи ч бас засуулжээ-
Ичсэн залуу постоо дор нь устгасан ч найз нар нь аль хэдийн тараажээ.
 

NUUTS.mn