Нууц мэдээллийн уурхай

Өмнө нь 250 кг жинтэй байсан америк бүсгүй Жаклин Адан итгэмээргүй турж 160 кг хаяж чадсан. Өдгөө 90 кг болсон түүний биед их хэмжээний илүүдэл арьс үлдсэн нь олны доог тохууны бай болжээ. Гэсэн ч бүсгүй огтхон ч ичиж зовохгүй байгаагаа өөрийн цахим хуудсандаа бичжээ. Саяхан тэрээр Мексикд амарчээ. Усны хувцас өмссөн түүний хөл нь хамгийн түрүүнд шооч хүмүүсийн хараанд өртжээ.

-Намайг усан санд очин халаадаа тайлахад тэнд байсан хүмүүс над руу зааж инээлдсэн. Гэсэн ч би тоогоогүй. Харин уужуухан гэгч нь амьсгалаад үсрэн орж сэлсэн. Ингэж турж чадсан нь миний хувьд маш том амжилт. Надад илүүдэл арьс их үлдсэн нь үнэн. Гэхдээ энэ одоо том асуудал биш болсон-
Маш их илүүдэл арьстай атлаа усны хувцас өмсөж усан сан далайд ордог Жаклины зоригийг зарим хүмүүс ихэд гайхдаг.

-Хүмүүс намайг 160 кг турах гэж ямар их хүч чадал зориг зүтгэл гаргасныг төсөөлөх ч үгүй. Турсаны дараа эрүүл мэндэд асуудал гарч мэс засал хүртэл хийлгэснийг мэдэхгүй, Тийм ч учраас над руу хуруугаараа заагаад дооглож инээх эрх хэнд ч байхгүй-

Жаклины хувьд өдгөө өөрийн бие гальбираа байгаа чигээр нь хүлээж авч байгаа тул сэтгэл санаа нь тун тайван амгалан явна гэжээ. Турсаны дараа илүүдэл арьсаа авахуулах мэс засал хэдэнтээ хийлгэсэн. Удахгүй ахиж хийлгэх гэнэ.
 

НУУЦ.мн