Нууц мэдээллийн уурхай

У.Хүрэлсүхийн ялалтанд багийн нөхөд нь мэдээж баяртай л байгаа. Гэхдээ баярлаж байгаагаа даргадаа харуулах гээд хэтрүүлэх нь дэндүү юм. Бүтэн жил шахуу "Шадар сайдын цаг" нэвтрүүлгийг хөтөлсөн, дараа даргыг нь тагнасан гэх хэвлэлийн бага хурал хийж нэрд гарсан ахлах зөвлөх А.Үйлстөгөлдөрийн нулимс хоолойд нь байдаг гэнэ. Тэрээр даргыгаа Ерөнхий сайдад нэр дэвшсэнийг сонсоод нүднээсээ бус хоолойгоосоо нулимс гаргажээ.

Уг нь хоолойноос шүлс цэр л гармаар юм. Арай ингэж андуураагүй биз... Хэт баярлах үед нулимс мэлтэлздэг, хоолой зангирдаг. Энэ багийнхан хэр монголжуу хүмүүс юм бол доо... Мөн чөмгөө дундартал зүтгэхээ андгайлжээ. Ингэж өөрийгөө өвтгөж зовоох хэрэггүй. Зүгээр л сайн ажилла. Тэгээд ч энэ үг эзэнтэй. Ерөнхий сайд асан Н.Алтанхуяг Монголын төлөө чөмгөө дундартал зүтгэсэнээ аль хэдийн зарлачихсан. Сонгуульт хугацаа дуусахад бид Ерөнхий сайдаар ажилласан хүний чөмөг дундарсан эсэхийг хэмжиж чадахгүй. Харин ажил хийсэн эсэхийг л дүгнэж чадна. Чөмөг нь дундарсан ч хийсэн ажилгүй сууж байж болохгүй дээ ...

НУУЦ.мн