Ж.Эрдэнэбат: “Эрдэнэт”-ийн хувьчлалтай холбоотойгоор экс сайд нарыг АТГ-т өгсөн ч прокурор хэрэгсэхгүй болгосон
.jpg)
МАН-ын Бага хурлын IX хуралдаан өнөөдөр эхэлж, намын дарга М.Энхболд, Ерөнхий нарийн бичгийн дарга Д.Амарбаясгалан нарын илтгэлийг хэлэлцлээ. Яг одоо Бага хурлын хуралдаан Тусгаар тогтнолын ордонд хаалттай, гишүүдийн асуулт, хариултаар үргэлжилж байна. Монгол Улсын Ерөнхийлөгчийн сонгуульд тус нам ялагдал хүлээснээс хойш Бага хурлаа ийнхүү зарлан хуралдуулж байгаа юм. Сонгуулийн ялагдлын дараа тус намд ашиг сонирхлын бүлэглэлүүдийн зөрчилдөөн ширүүсч Засгийн газраа ч огцруулсан. Сонгуулийн ялагдал, Засгийн газраа огцруулсан, сонгуультай холбоотой элдэв хардлага намжаагүй энэ үед болж буй учраас МАН-ын гишүүд ч нэлээд ширүүхэн үгсийг хэлж байгаа дуулдана. Ерөнхий сайдын суудлаас огцрохдоо “Журмын нөхдийнхөө алдааг би үүрнэ” хэмээн мэдэгдэж байсан Ж.Эрдэнэбат өнөөдөр Бага хуралд үг хэлэхдээ “Эрдэнэт”-ийн хувьчлалтай нэр холбогдсон өмнөх Засгийн газрын зарим сайдыг АТГ-т шалгуулахаар өгсөн ч прокурор хэрэгсэхгүй болгосон” гэж мэдэгдлээ.
NUUTS.mn
