Нууц мэдээллийн уурхай

Холландын Амстердам хотод “Шарталт” буюу "The Hangover Bar" гэдэг баар нээгджээ. Ихэнхи баар архидуулдаг бол энэ баар шар тайлдаг үйлчилгээтэй. Гэхдээ энэ баараар үйлчлүүлэхийн тулд та заавал шартсан байх ёстой. Тийм ч учраас долоо хоног бүрийн бямба, ням гаригт 10-18 цагийн хооронд ажилладаг нь баасан, бямба гаригийн шоудын шарыг тайлах зорилготой. Бааранд орохын өмнө үлээж биеэн дэх согтуурлын зэргээ тогтоолгоно. Зөвхөн урьд өдөр нь архи согтууруулах ундаа хэрэглэсэн нь үлээлтээр батлагдсан хүнийг л оруулах агаад цоо эрүүл хүнд үйлчилдэггүй.

Энэ бааранд гэртээ байгаагаас илүүтэйгээр тохь тухтайгаар бас бас бүх төрлийн үйлчилгээ авч шараа тайлж болно. Бааранд ороод гутлаа тайлж  шаахай, углааш өмсөх ёстой. Дулаан зөөлөн алчуур нөмөрч болно. Дотор тал нь хүнийг амрах алжаалаа тайлах бас тайвширахад зориулан цэцэг мододоор бүрхэгдсэн. 

Мөн цэвэр хүчилтөрөгчөөр амьсгалж шараа тайлж болно.

Бүх төрлийн иллэг хийж өгч шар тайлдаг.

Хүсвэл зөөлөн тухьтай оронд унтаж архиа гаргаж болно.

Зурагтаар шар тайлах хамгийн сүүлийн аргуудын тухай тусгай нэвтрүүлэг гардаг.

Шар тайлдаг тусгай хоол захиалж болно.

Гэр бүлээрээ эсвэл хосоороо шараа тайлж болно.

Энэ баар нээгдсэн дороо л нэрд гарчээ. Одоо эзэд нь хөрш Герман, Францад салбараа нээхээр төлөвлөж байна.
 

NUUTS.mn