Нууц мэдээллийн уурхай

Daily Mail-д мэдээлснээр Америкийн шүүх Стэнвуд Элкус гэдэг 79 настай өвгөнд 2013 онд үйлдсэн аллагийх нь төлөө бүх насаар нь хорих ял оноожээ. Мөн давж заалдах өргөдөл гаргах эрхийг нь хассан шийтгэл давхар оногдуулжээ. Тэрээр дөрвөн жилийн өмнө Ньюпорт-Бич гэдэг хотод 1992 онд өөрт нь түрүү булчирхайн мэс засал хийсэн гэх эрэгтэйчүүдийн эмч Рональд Гилбертийн толгой руу 10 удаа буудан зэрлэгээр хөнөөсөн. Түрүү булчирхайн болон шээсний сүвний эмгэгтэй болохоосоо өмнө Стэнвүд нь цоо эрүүл эр байсан гэнэ.

1992 онд түүнд түрүү булчирхайн үрэвсэлтэй гэсэн онош тавьжээ. Ингээд мэс засалд оржээ. Алуурчны баталсанаар мэс заслыг гардан хийсэн эмч нь Рональд Гилберт гэнэ. Гэтэл мэс заслын дараагаар эрхтэн нь хэвийн бус болжээ. Хөвчрөх нь аажмаар суларсаар секс хийх чадвараа бүрэн алдсан гэнэ. Үүнээс гадна хэвийн эр хүнд байх ёстой бэлгийн дур хүсэл нь хүртэл буурах сэтгэцийн эмгэг давхар явагджээ.  Ийнхүү бэлгийн амьдрал нь бүрэн дампуурч эхнэр нь хаяж явжээ. Сэтгэл санаагаар унасны улмаас ажлаасаа ч халагдсан гэнэ. Энэ олон жилд тэрээр сэтгэлдээ мэс засал хийсэн эмчийг буруутган өшөө хорсолдоо бүрэн автагджээ. Гэтэл түүний гарт амиа алдсан эмч нь уг мэс засалд оролцоогүй харин зөвлөхийн үүрэг гүйцэтгэсэн болох нь дараа нь мөрдлөгөөр тогтоогджээ. Харин Стэнвүд нь эмчийг хайсаар Ньюпорт-Бич хотоос олжээ. Эмч тэнд эрэгтэйчүүдийн хувийн эмнэлэг ажиллуулж байсан аж. Секс хийх чадварыг нь алдагдуулж өөрийх нь нэгэн насны амьдрлыг бусниулсан хэмээн өшөө хорсолдоо баригдсан эр үзлэг хийлгэхээр хуурамч нэрээр бүртгүүлжээ. Ингээд өрөөнд нь ороод толгой руу 10 удаа буудан хөнөөсөн байна.
 

NUUTS.mn