Нууц мэдээллийн уурхай

У.Хүрэлсүх хүнд жингийн улстөрч гэнэ. Гэхдээ тэрээр түгжилдэх бас зугтаахдаа хөнгөн жингийн тамирчин шиг хурдтай. Түүнийг магтсан нэгэн нийтлэлд “...Н.Энхбаярын ид мандан бадарч, эрх мэдэл сүр хүчээрээ далайлгаж байхад У.Хүрэлсүх л хамгийн анхны бэтгийг хагалсан. Худалч хүнд Н.Энхбаяр Монголын эзэн хаан байсан үе.  Н.Энхбаярын эхнэр Монгол Улсын сайд нарыг гэртээ дуудаж загнадаг байсан тийм үе. НИТХ-ын сценарийг ЭХНЭР гал тогоондоо ноороглодог байсан гэхээр... 2003 онд Н.Энхбаярт хандан "Энэ төрийн ажлыг та мэддэг юм уу, танай эхнэр мэддэг юм уу" гэж хэлээд тавьчихсан гэж байгаа. Тэр үед Н.Энхбаяр шиг том хүн байхгүй, түүний өмнө хэлтэй бүхэн зусардаж, хөлтэй бүхэн тахилздаг байсан атал МАНай хүнд гар л харин тэмцэлдэж, сөргөлдөж зүрхэлсэн... “ гэжээ. Шүүмжилсэний тухайд үнэн. Гэхдээ энэ явдлын дараа юу болсоныг хэн ч ярьдаггүй. Учир нь ярихад таатай зүйл биш. Ингэж хэлээд л У.Хүрэлсүх хуралдааны танхимаас шууд гараад айсандаа ажлаа хаяад долоо хоног ор тас алга болсон. Тухайн үед “зоригт эр” маань онцгойн дарга хурандаа гэгдэж байсан. Ийнхүү энэ газар долоо хоног удирдлагагүй явсан. Сүүлдээ Н.Энхбаяр өөрөө У.Хүрэлсүхийг хайлгаж олоод утсаар ярьж “чи одоо ирж ажлаа хий, би чамайг яах ч үгүй, ажил чинь хэцүүдлээ” гэснээр нуугдсан газраасаа гарч ирсэн гэдэг. Үүнийг өөрөө үгүйсгэх ч Н.Энхбаяраас асуувал батлана. Энэ тохиолдолд “зоригт эр” биш Н.Энхбаяр эрийн жудаг заажээ. Бүхнийг чаддаг байсан түүнд өөдөөс нь сарвалзаад байсан хөнгөн жингийн тамирчинг нулих нь алга урвуулах төдийн хэрэг. Гэсэн ч айж байгааг нь хараад өршөөсөн, өршөөсний ачаар одоогийн “хүнд жингийн улстөрч” гарч иржээ. МАХН-ын дарга “зоригт эрд” олон тусалсан. Эхлээд намын залуусын эсэргүүцлийг нам даран байж НАМЗХ-ны ерөнхийлөгч болгож өгсөн.

Өндөр албан тушаалд гаргасан. Өөдөөс нь сарвалзахад эхнэрийнхээ үгнээс зөрөн байж өршөөсөн. Харин У.Хүрэлсүх өөрийг нь намын залуучуудын байгууллагийн толгойд суулгаж өгсөн хүнийхээ өөдөөс боссон. У.Хүрэлсүх өөрөө хамгийн их эр хүний ёс жудаг ярьдаг хүн. Гэхдээ яг үнэндээ намын нөхдөө түгжилдэх, асуудал үүсгээд зугтаах алга болох, асуудал шийдэгдсэн үед баатрын дүрээр гарч ирэхдээ л сурцтай. Маргааш МАН-ын Бага хурал болно. Түүнд намын нөхдийнхөө нүүр лүү харах эрх бий юу ... Түүний оронд сурсан зангаараа зугтсан нь дээр дээ...

НУУЦ.мн