Нууц мэдээллийн уурхай

Shanghailist-д мэдээлснээр Хятадын Сиань хотын нэгэн зочид буудалд аймшигтай хэрэг гарчээ. Дөрвөн бүсгүй буусан өрөөндөө орой нь ирэхэд орных нь бүтээлэг үрчийж цагаан хэрэглэлд нь хар толбо гарсан байжээ.

Гэсэн ч тэд үүнийг тоогоогүй нь аюултай явдалд хүргэж нэгнийх нь өгзөг шүүрэн шанага шиг болох дөхжээ. Азгүй тэр бүсгүй хөнжлөө татаад орон дээрээ суух гэтэл өргөсөө арзайлгасан зараа хөнжилд биеэ хураан бөмбийгөөд нуугдсан байжээ. Бүсгүй зарааг анзааралгүй дээр нь суугаад тэр дороо аймшигтайгаар чарлан босож өрөөгөөрөө нэг гүйжээ.

Түүний өгзөгнөөс нь цус садран гоожиж байсан агаад цагаан хэрэглэлийг нь шүршиж улаан эрээн болгожээ. Өвдөлтөндөө ухаан алдсан бүсгүй өрөөний эд хогшлыг унагаж нураасан агаад найз нар нь арайхийн дарж унагаж барьж авчээ.

Тэр дор нь зочид буудлын зохион байгуулагчийг дуудсан ч тэрээр зараа зочдын өрөөнд орсон бурууг хүлээсэнгүй тул хэрүүл маргаан дэгджээ. Хэрүүл удалгүй зодоон болж цагдаа ирж байж намдаасан байна. Энэ явдлаас болж бүсгүйн өгзөг хүнд гэмтжээ. Түргэний эмч өгзөгнөөс нь 20 гаруй өргөс түүж авсан байна. Хэрвээ сорви тогтвол бөгсөн биенийх нь гоо сайхан алдагдах нь тодорхой болжээ. Түүнээс гадна халдвар авсан байх ч аюултай гэнэ. Ихэд хохирсон бүсгүй зочид буудлыг шүүх цагдаад өгч нөхөн төлбөр нэхэмжлэхээр болжээ.
 

NUUTS.mn