Нууц мэдээллийн уурхай

New York Times  нэгэн эмэгтэйн өөрт тохиолдсон явдлаа өгүүлсэн түүхийг нийтэлсэн нь хандалт ихтэй байна. Одоогоор энэ пост 546 лайк авч 3600 удаа шейрлэгджээ. Нарийн боов, десерт хийх хорхойтой Сидни Ньюберри гэдэг эмэгтэй 30 жилийн өмнө өөрт нь тохиолдсон явдлаа ийн өгүүлжээ.

-30 жилийн өмнө тогоочийн дамжааг дүүргэхдээ миний сайн хийж сурсан зүйл бол кекс хийх байсан. Кекс хийхдээ маш сайн чанарын какао сонгодог. Өдгөө би Callebaut –ыг хэрэглэж байгаа. 1980-иад онд нэгэн герман эмэгтэй энэ жороо зааж өгөхийг хүсэхэд нь бүгдийг нь хэлж зааж өгсөн. Гэтэл түүний хийсэн кекс нэг л болж өгөхгүй байлаа. Тэр эмэгтэй өөрийгөө муугүй тогооч гэж тооцдог байсан ч яг минийх шиг амттай болж чадахгүй байв. Би түүнд жороо бүгдийг нь зааж өгсөн, тэр ч их хичээсэн. Гэсэн ч бүтээгүй. Харин эцэст нь Америкд ирээд нөхрийг маань урвуулаад аваад явчихсан-

Энэ пост нийтлэгдсэний дараа Cut-ын сэтгүүлч нөхрөө булаалгасан эмэгтэйг олж уулзан яриа авчээ. Синди гэх эмэгтэй одоо ч Лос-Анжелосд амьдарч байна. 1980 онд тэрээр томилолт авсан цэргийн нисгэгч нөхрөө даган Германд очжээ. Одоо ч энэ оронд Америкийн цэргийн баазууд бий. Тэнд сэтгэл татам итали төрхтэй, хоолны урлагт учиргүй дуртай нэгэн эмэгтэйтэй нөхөр нь анилцуулсан гэнэ. Герман эмэгтэйг зочилж ирэхэд нь өөрийн гарын кексээрээ дайлжээ.

Кекс түүнд маш их таалагдсан тул жорыг нь гуйж авчээ. Синди ч харамгүй хэлж бүх талаар тусалсан гэнэ. Гэтэл герман эмэгтэйн кекс ерөөсөө олигтой болохгүй байжээ. Эцэст нь жороо үнэн зөв хэлж зааж өгөөгүй, зарим чухал зүйлийг нь нууцалсан хэмээн буруутгаж тэр хоёр муудалсан гэнэ. Энэ зуур гурван жил өнгөрч томилолтын хугацаа дууссан тул гэр бүлээрээ нутагтаа буцаж иржээ. Гайхалтай нь нөгөө герман эмэгтэй араас нь хайсаар гэрийг нь олоод иржээ. Нөхрөөсөө салж ганцаардсан тул хоолны урлагт суралцахаар Америкт ирсэн гэсэн байна. Тэд уулзсанаас хойш арваад хоногийн дараа Синди ажлаасаа эрт ирээд нөхрөө унтлагын өрөөнд герман эмэгтэйтэй оронд орсон байхад нь барьжээ.
-Тэр герман эмэгтэй намайг кекс хийх жороо бүрэн зааж өгөөгүй, нууцаллаа хэмээн ихэд хорсож өширхсөн байсан. Тэрийгээ ч надад хэлсэн. Ингээд өшөөгөө авах гэж нөхрийг маань салгаж суухаар Америкд ирсэн байсан-
Ийнхүү Синдигийх шиг амттай кекс хийж чадаагүйдээ хорссон эмэгтэй далай гатлан ирээд нөхрийг нь булаан авч өшөөгөө тайлжээ. Тэрээр нөхрийг нь дагуулан Герман явжээ. Харин Синди удалгүй ахин нөхөрт гарсан агаад кекс хийх жороо улам ч баяжуулсан аж.
Уншигчид энэ явдлын тухай өөрсдийн санлаа үлдээжээ

-Тэр хүүхэн Синдигийн нөхөртэй амраглаж байхдаа кекс хийх жорын тухай л бодож байсан байх даа-

-Ёс зүй : найз хүүхнүүддээ хоолны  жороо нуулгүй хэлж бай ... тэгэхгүй бол үр дагавар нь ийм гарах нь-
 

NUUTS.mn