Нууц мэдээллийн уурхай

MS News-д мэдээлснээр тэрхүү дөрвөн хоригдолд оргох 100 хувийн боломж байсаар байтал ашиглалгүй харин ч шорондоо буцаж иржээ. Харин хулгайлсан эд зүйлс нь зөвхөн шоронд л хэрэг болох эд байжээ. Миссисипи мужийн Холмс тойргийн шоронгоос Левонайе Эллингтон, Трэвис Бейкер, Морис Робертсон болон Жакье Уильямс гэдэг дөрвөн хар арьст хоригдол оргожээ. Тэд хашаа даван оргож байгаа нь камерт бичигдсэн аж.

Хашаа даваад бүтэн хоёр км гүйж нэгэн хүнсний дэлгүүрийг ухжээ. Дэлгүүр ухаж байгаа нь мөн л камерт бичигджээ.

Оргогсод тэндээсээ зугтаахын оронд хулгайлсан бараагаа тэвэрсээр явсан замаараа буцаж шорондоо ирсэн байна. Дөрвөн хоригдол оргохыг шоронгийн хамгаалалтын алба мэдээгүй агаад бичлэгээ шалгаж байж л олж мэджээ. Мөн оргосон хоригдлууд буцаж ирсэн нь бүр ч гайхашруулсан гэнэ. Оргож хулгай хийсэн дөрөв болсон явдлыг эрс үгүйсгэсэн ч бичлэг үзүүлэхэд хэргээ хүлээжээ. Тэд дэлгүүрээс зөвхөн шоронд л хэрэг болох наймаалцах, солилцох тамхи, асаагуур, бохь оо сойз, саван, эротик сэтгүүл зэрэг жижиг эд зүйлс хулгайлсан байжээ.

Зарим бараагаа бусад хоригдлуудад аль хэдийн зарж амжсан аж. Өдгөө тэдэнд оргосон, хулгай хийсэн гэх зүйл анги нэмэгджээ.
 

НУУЦ.мн