Нэгэнт өөрийг нь унагасан дүүргээ ШАГНАХАД “хүрэл зүрх ч хайлна”
.jpg)
Энэ өдрүүдийн гол сонин нь ардчилсан удирдлагатай Баянгол дүүргийг социалист нийгмээс улбаатай Хөдөлмөрийн гавьяаны улаан тугийн одонгоор шагнасан явдал байлаа. “Хүргэн хүү” кинонд “Дэмбэрэл юм үзээгүй болохоороо баярлаж байгаа гэдэг жигтэйхэн” гэдэг шиг дүүргийн Засаг дарга С.Одонтуяа, тойргоос нь сонгогдсон С.Эрдэнэ хоёр ихэд баярлаж бараг л цэргийн парад хийж одонгоо өлгийдэн авлаа. Энэ зурагт намын дарга нь би авч өгсөн юм гэсэн шиг тун маадгар зогсоно. Гэхдээ гуравдахь хүн буюу ЕТГ-ын дарга З.Энхболдод ямар байсан нь сонин. 2016 оны сонгуулиар энэ хүнийг баянголчууд нам унагасан. Гэтэл өдгөө өөрийг нь унагасан дүүргийнхэнд шагнал гардуулаад зогсож байна. З.Энхболдыг баргийн юмыг мартдаггүй, шазууртай зуумтгай гэдэг. Чухам энэ зангаар нь л Их хуралд олонхи болсон Ардын намынхантай халз тулуулах гэж сонгосон. 2016 оны сонгуульд тэрээр Баянгол дүүрэгт их хүч хаясан. Тухайн үед хамгийн том сурталчилгааны хуудсыг Их хурлын экс даргатан өлгөж байсан юмдаг. Гэсэн ч унасан. Хэрвээ хувь хүнийх нь зан чанрыг тооцвол тэрээр баянголчуудад одоо ч гомдол тээж яваа. Гэтэл өдгөө шагналыг нь гардуулаад зогсож байхыг харахад “хүрэл зүрх ч хайлна” гэдэг мөрийг өөрийн эрхгүй санагдуулсан.
НУУЦ.мн
