Нууц мэдээллийн уурхай

Австралийн Мельбурн хотын иргэн Жастин Капичианно өөрийн цахим хуудсаараа цагаан болон махан хоолтнуудын нэгэн тулааны тухай сонирхолтой явдлыг  дэлгэжээ. Түүний явдаг замын дагуух нэгэн хашаан дээр нэгэн бүтээлч сэтгэлгээтэй, бусдыг уриалан дуудагч цагаан хоолтон «Be Vegan» буюу “Цагаан хоолтон болцгооё” гэж томоор бичжээ.

Энэ нь үхэр хонины махыг ихээр иддэг бусад австраличуудын дургүйг хүргэжээ. Махан хоолтнууд тэр дор нь хариуг нь барьжээ.

-Мах ид-
Зам дээрх хашаан дээр махан хоол “сурталчилж” байгаад цагаан хоолтнууд гомдол гаргасанд орон нутгийн захиргаа бичгийг арилгажээ.

Гэсэн ч махан хоолтнууд ахин цохилт өгчээ.

-Риссолес/нэгэн төрлийн тефтель/ идэхтүн/
Уг бичгийг дахин арилгажээ. Гэсэн ч махан хоолтнууд шантарсангүй. Энэ удаад цагаан хоолтнуудын гол хүнс дүпүг онилжээ.

-Дүпүнд үгүй гэж хэлцгээе-
Энэ бичгийг арилгамагц «Be Vegan» ахин гарч иржээ  Харин бүсгүй хүнийг магтан дуулагч нэгэн “V” үсэгт хоёр зураас татаж «Be Megan» буюу “Меган шиг байцгаая” гэж хувиргаснаар махан болон цагаан хоолтнуудын дайн төгсжээ.

Энэ явдал хүмүүсд хөгжилтэй санагдсан бол хотын захиргаа унтууцжээ. Хотын захиргаа иймэрхүү маягийн элдэв бичээсийг арилгахад жилд 50 мянган доллар зарцуулдаг гэсэн байна.
 

NUUTS.mn