Аав нь зоддог, ээж нь уудаг айлын охин 27 ДАХЬ УДААГАА нүүсний дараа амиа хорложээ
Нийтэлсэн: 2017-09-15 05:18:51
.jpg)
Daily Mail-д мэдээлснээр Шарлотта Барон гэдэг 14 настай охины амиа хорлолт Английн нийгмийг цочроожээ. Түүний үхэлд хүүхэд насных нь аз жаргалыг эдлүүлээгүй эцэг эхээс гадна зохих үүргээ биелүүлээгүй төрийн байгууллагууд, цагдаа болон сургуулийн удирдлагыг нь буруутгаж байна. Талийгаач охин хамгийн сүүлд Greater Manchester North хотын St Cuthbert’s High School-д сурдаг байжээ.
Энэ нь түүний шилжиж очсон 10 дахь сургууль нь гэнэ. Охины гэр бүл мэдээ орсон цагаас нь хойш нийтдээ 27 удаа нүүж хотоос хот дамжин явжээ. Амьдрах орчин сургууль нь байнга солигддог тул түүнд найз гэж байсангүй. Шинэ ангид ирээд долоо хоноогүй, ангийн хүүхдүүдтэйгээ дөнгөж танилцаж байхад эцэг эх нь ахиад л нүүдэг гэнэ. Гэхдээ энэ нь түүний ганц зовлон байсангүй. Эх өдөр бүр уух агаад аав нь үүгээр нь шалтаглаж зоддог.
.jpg)
Ээж нь нэг удаа аавыг нь 20 хоногоор баривчлуулж байжээ. Үүнээс болж эцэг эх нь улам дайсагнах болсон. Байнгийн хэрүүл маргаан, зодоон эцэст нь цагдаа ирэх нь долоо хоног бүр гардаг. Хүүхдүүдтэйгээ ч хүйтэн хөндий хайхрамжгүй харьцдаг байжээ. Эцэг эх тогтвортой ажилгүй тул халаалт дулаан усаа үе үе таслуулдаг. Мөнгөний боломжиндоо тааруулан маш муу байр хөлсөлдөг тул бүгдээрээ нэг өрөөнд шахдалцан амьдарч байсан үе ч гарчээ. Ийнхүү охин зовлонт гаслант амьдралаа тэвчилгүй гэртээ дүүжлэгдэж амиа хорложээ.
НУУЦ.мн
