Нууц мэдээллийн уурхай

Хоёрхон сарын өмнө хунтайж П.Давааням өөрийг нь Чингис хааны цорын ганц хууль ёсны залгамжлагч гэдгийг хүлээн зөвшөөрөхийг Засгийн газраас шаардаж байсан. Хэрвээ энэ шаардлага нь биелэгдвэл Их хааны нэртэй холбоотой бүхий л үл хөдлөх болон оюуны өмч хунтайжийн амчлөлд шилжинэ. П.Давааням нь дэлхий дээр Чингис хааны нэр дээр бүртгэлтэй 721,2 тэрбум долларын хөрөнгө байгааг тооцоолон гаргасан. Хэрвээ энэ их хөрөнгө түүнийх болбол тэрээр Английн хатан хаан, Арабын шейх шахуудаас ч илүү баян хаан язгууртан болно. Өнгөрсөн 8-р сарын сүүлээр П.Давааням дэлхийн хунтайж нарын их хуралдайг Монголд зохион байгуулж мөн наадам хийжээ. Газар газраас ирсэн хунтайж нар П.Даваанямыг Чингис хааны алтан ургийн цорын ганц өв залгамжлагч гэдгийг хүлээн зөвшөөрчээ. Наадмын голд тэрээр заларсан байна.

Энэ хуралдай наадамд Чингис хааныг тодруулагч И.Мөнхсаруул оролцоогүй байна. Мөнх тэнгэрийн оньс гэгээнтэн гэх эмэгтэй хаанаас гадна 21 дарь эх, 1181 бурхадыг тодруулна гэдгээ зарласан. .Тэрээр өөрийгөө Их хааны эхийн талын  элэнц болох Алунгоо хатны удам гэдэг.  Хэрвээ хамаатан саднаа баривал И.Мөнхсаруул нь яах аргагүй П.Даваанямын эмээ болж таарч байгаа аж.
 

НУУЦ.мн