Нууц мэдээллийн уурхай

Америкийн залуу од сая сая шүтэн бишрэгчтэй Селена Гомес саяхан бөөн шилжүүлэн суулгах хагалгаанд оржээ. Тэрээр энэ тухайгаа 126 сая дагагчтай Инстаграмм хуудсаараа мэдээлжээ.

Түүний өрөөсөн бөөр нь үүргээ гүйцэтгэж чадахгүй болоод удаж байгаа аж. Үүний улмаас амархан ядарч сульдаж бас толгой нь өвдөж байсан гэнэ. Бие нь бүр сульдсанд энэ зун уран бүтээлийн чөлөө авч бөөрөө солиулжээ. Хагалгааны улмаас нэлээд том сорвитой болсоноо харуулжээ.

Харин түүнд сайн найз, уран бүтээлийн анд  Франция Раиса нь өрөөсөн бөөрөө өгчээ. Мэс засалд орохоос өмнөх зургаа мөн тавьжээ.

Франция Раиса Селена Гомес хоёр найзлаад 10 гаруй жил болж байгаа гэнэ. Хамтдаа тоглож байсан ч удаатай.

Донор найз нь мөн л жүжигчин дуучин бас бүжигчин аж.  2013 онд шуугиан тарьж байсан "The Secret Life Of The American Teenager" цувралд нэгэн гол дүрд нь тоглосон.

Энэ жил 29-той агаад Селенагаас таван насаар эгч тул бие биенээ «hermanita» буюу испаниар “эгч” гэж  дууддаг. 

Үзэсгэлэнт одын бөөрний өвчин 2015 оноос эхэлжээ. Дараа жилээс нь бүр хүндэрсэн байна. 2017 оноос бөөрөө солиулахаас өөр аргагүй болсоныг эмч нар сануулсан. Харин тохирох донор нь түүний дотны найз байжээ. Өдгөө бие нь хурдан тэнхэрч байгаа гэнэ.
 

НУУЦ.мн